Vista a acta da revisión salarial para o ano 2001, do convenio colectivo para o sector de limpeza de edificios e locais, con nº de código 3600895, que tivo entrada nesta delegación provincial o día 30-1-2001, subscrita pola comisión paritaria do convenio, en data 24-1-2001. De conformidade co disposto no artigo 5 do convenio colectivo e no artigo 90.2º e 3, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 2 de febreiro de 2001.

Antonio Coello Bufill

Delegado provincial de Pontevedra

Convenio colectivo do sector da limpeza de

edificios e locais da provincia de Pontevedra

Asistentes:

CC.OO.:

Carmen Segurana Bedrina.

UGT:

Rosa Mª Acuña.

CIG:

Mª do Tránsito Fernández.

Representación empresarial:

Mª Carmen Valcárcel Digón. Eulen.

Salvador Fernández de la Cigoña Fraga. El impecable.

Lino Gil Villanueva.

Secretaria de actas:

Ana Mª Martín Herrero.

En Vigo, nos locais do SMAC, sendo as dez horas do día vintecatro de xaneiro de dous mil un, reúnese a comisión paritaria do convenio colectivo do sector de limpeza de edificios e locais da provincia de Pontevedra co obxecto de aplica-la cláusula establecida no artigo 5 do convenio. Asisten as persoas indicadas anteriormente.

O parágrafo segundo do artigo 5, salarios, establece que en caso de que o IPC rexistrase o 31-12-1999 un incremento superior ó 2,2% e a 31-12-2000 un incremento superior ó 2,5%, o exceso incrementarase a táboa salarial correspondente ó ano 2000. A dita táboa incrementada servirá de base para a negociación do seguinte convenio.

O IPC o 31-12-1999 foi do 2,9% e a 31-12-2000 do 4%. Por tanto, procede unha revisión da táboa salarial do ano 2000 do 2,2%, co obxecto de que sirva de base para a negociación do convenio do ano 2001.

A seguir procédese a aplica-la devandita porcentaxe de incremento sobre as táboas salariais, complemento de transporte, complemento de asistencia e axudas de custo, que quedan como segue con efectos do 1-1-2001:

-Táboa salarial: anexo.

-Complemento de transporte: 10.470 pesetas (dez mil catrocentas setenta) mensuais. Por cada día de ausencia ó traballo descontarase a cantidade de 476 pesetas.

-Complemento de asistencia: 7.450 pesetas (sete mil catrocentas cincuenta). Por cada día de ausencia ó traballo descontarase a cantidade de 338 pesetas.

-Axudas de custo:

a) Media axuda de custos: 2.034 pesetas/día.

b) Axuda de custos completa: 3.614 pesetas/día.

c) Con pernoita: 6.024 pesetas/día.

Ámbalas partes acordan a súa remisión á autoridade laboral para efectos do seu rexistro e posterior publicación no BOP e no Diario Oficial de Galicia.

Non tendo máis asuntos que tratar, levántase a sesión sendo as once horas do día arriba indicado.

ANEXO

Táboas de salarios

Limpeza de edificios e locais