Vista a solicitude presentada por José Ramón Perina Edreira en representación de E3C Cetift, S.L. e a documentación anexa, na que se solicita que lle sexa concedida a autorización da cualificación de entidade recoñecida para impartir cursos teórico-prácticos para a obtención de carnés profesionais de instalador de gas grupos IG-I e IG-IV.
Vista a Orde do 17 de decembro de 1985, pola que se aproba a instrucción sobre documentación e posta en servicio das instalacións receptoras de gas combustible e a instrucción sobre instaladores autorizados de gas e empresas instaladoras (BOE do 9-1-1986).
Considerando que se cumpriron os requisitos regulamentarios establecidos.
A Dirección Xeral de Industria
RESOLVE:
Conceder a E3C Cetift, S.L. a autorización da cualificación de entidade recoñecida para imparti-los cursos teórico-prácticos para a obtención dos carnés profesionais de instalador de gas, IG-I a IG-IV de conformidade co establecido no capítulo III da Orde do 17 de decembro de 1985, no ámbito da Comunidade Autónoma de Galicia.
Para imparti-los cursos, deberase comunicar á Dirección Xeral de Industria e á Delegación Provincial da Consellería de Industria e Comercio da provincia correspondente o programa, profesorado, lugar, horario e exames, co fin de realiza-lo control correspondente.
Esta autorización deberase renovar ós dous anos, para o que deberá acreditar ante a Dirección Xeral de Industria o cumprimento dos requisitos esixidos na autorización inicial.
Santiago de Compostela, 12 de febreiro de 2001.
Ramón Ordás Badía
Director xeral de Industria