Examinado o expediente instruído por instancia da empresa Gas Galicia SDG, S.A., con domicilio para efectos de notificacións na Área Central-r/ Lisboa s/n, local 31-HIJ, polígono das Fontiñas, 15703 Santiago de Compostela, resultan os seguintes antecedentes de feito:
Primeiro.-Con data do 3 de maio de 1995, a Consellería de Industria e Comercio outorgou a Gas Galicia SDG, S.A., a concesión administrativa para a prestación do servicio público de subministración de gas natural para usos domésticos, comerciais e industriais nos termos municipais de Ourense e San Cibrao das Viñas.
Segundo.-Por Resolución do 24 de outubro de 2000, a Delegación Provincial de Ourense autorizou a Gas Galicia o cambio de titularidade e a transmisión de autorizacións administrativas para a prestación da subministración de gas propano nas instalacións centralizadas de G.L.P., que pertencían a Repsol Butano, construídas nas urbanizacións de Valenzana, Barrocanes (praza Quinientas) e Rúa do Vinteún-praza Mil de Ourense.
Terceiro.-Con data do 28 de agosto de 2000, Gas Galicia SDG, S.A. solicitou, ó abeiro da Lei 34/1998 e o Decreto 2913/1973, polo que se aproba o Regulamento do servicio público de gases combustibles, o cambio das características do gas que subministra nas instalacións de referencia no concello de Ourense, de propano a gas natural.
Cuarto.-A solicitude obxecto deste proxecto recibiu informe favorable da Delegación Provincial de Ourense.
Fundamentos de dereito.
Primeiro.-A Dirección Xeral de Industria é a competente para resolver este expediente con fundamento no Estatuto de Autonomía de Galicia, no Real decreto 2563/1982, do 24 de xullo, no Decreto 132/1982, do 4 de novembro e no Decreto 99/1998, do 26 de marzo, polo que se establece a estructura orgánica da Consellería de Industria e Comercio, modificado polo Decreto 181/1999, do 17 de xuño, en relación coa Lei 34/1998, do 7 de outubro, do sector de hidrocarburos, cos decretos 2913/1973, do 26 de outubro e 1775/1967, do 22 de xuño.
Segundo.-No expediente instruído para o efecto cumpríronse os trámites regulamentarios.
Esta dirección xeral, de acordo con todo o que antecede, e no exercicio das competencias que ten atribuídas,
RESOLVE:
Autorizar á empresa Gas Galicia SDG, S.A., o cambio de gas que subministra nas instalacións relacionadas no anexo I, de propano a gas natural.
A presente autorización outórgase consonte ás seguintes condicións:
Primeira.-Tal e como se dispón no artigo 38 do Decreto 2913/1973, do 26 de outubro, polo que se aproba o Regulamento do servicio público de gases combustibles, ó variaren as características do gas subministrado, a empresa subministradora queda obrigada cos titulares dos contratos en vigor a substituír ou adaptar tódolos elementos das instalacións receptoras afectadas polos cambios, e aqueles aparellos de utilización declarados no contrato e, se é o caso, o contador, sen que este poida reportar ningún custo para o usuario.
Segunda.-As instalacións receptoras de gas, a partir da conexión, tanto as comúns como as individuais, deberán cumprir o disposto no Regulamento de instalacións de gas en locais destinados a usos domésticos, colectivos ou comerciais e normas complementarias.
Contra a presente resolución, que non pon fin á vía administrativa, poderá interporse, se for o caso, recurso de alzada ante o conselleiro de Industria e Comercio, no prazo dun mes a partir do día seguinte á súa notificación.
Santiago de Compostela, 6 de febrero de 2001.
Ramón Ordás Badía
Director xeral de Industria
ANEXO I
Urbanización Valenzana
Enderezo Nº Portal Cidade
Valenzana 98 Barbadás
Valenzana 100 Barbadás
Valenzana 102 Barbadás
Urbanización Barrocanes (Praza Quinientas)
Enderezo Nº Portal Cidade
Praza Quinientas s/n B Ourense
Praza Quinientas s/n D Ourense
Praza Quinientas s/n F Ourense
Praza Quinientas s/n H Ourense
Praza Quinientas s/n I Ourense
Praza Quinientas s/n J Ourense
Praza Quinientas 3 Ourense
Praza Quinientas 5 C Ourense
Praza Quinientas 7 Ourense
Praza Quinientas 9 G Ourense
Urbanización Rúa do Vinteún-Praza Mil
Enderezo Nº Portal Cidade
Rúa do Vinteún-Praza Mil 1 Ourense
Rúa do Vinteún-Praza Mil 2 Ourense
Rúa do Vinteún-Praza Mil 3 Ourense
Rúa do Vinteún-Praza Mil 4 Ourense
Rúa do Vinteún-Praza Mil 5 Ourense
Rúa do Vinteún-Praza Mil 6 Ourense
Rúa do Vinteún-Praza Mil 7 Ourense
Rúa do Vinteún-Praza Mil 8 Ourense
Rúa do Vinteún-Praza Mil 9 Ourense
Rúa do Vinteún-Praza Mil 10 Ourense
Rúa do Vinteún-Praza Mil 11 Ourense
Rúa do Vinteún-Praza Mil 12 Ourense
Rúa do Vinteún-Praza Mil 13 Ourense
Rúa do Vinteún-Praza Mil 14 Ourense