De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ós denunciados cos datos persoais e último enderezo coñecido que se sinala a continuación, as iniciacións dos correspondentes expedientes sancionadores por infracción da Lei 4/1997, de caza en Galicia, do 25 de xuño (DOG do 11 de xullo).
Noméase instructora do procedemento a Paloma Quiroga López e secretaria a Marta Joaquín Tersado, funcionarias da Xunta de Galicia. A resolución será acordada polo conselleiro de Medio Ambiente (Decreto 482/1997, do 30 de decembro, DOG do 8-1-1998, polo que se establece a estructura orgánica da Consellería de Medio Ambiente).
O denunciado disporá dun prazo de quince (15) días hábiles, contados a partir do seguinte ó da publicación desta resolución para que poida examina-lo expediente nesta delegación provincial, sita na Ronda de la Muralla, 70, e presenta-las alegacións e documentos que considere convenientes na súa defensa. Así como para a recusación das persoas designadas como instructora e secretaria en calquera momento da tramitación do procedemento.
O pagamento voluntario porá fin ó expediente. Para efectualo deberá emprega-los impresos normalizados, que lle serán facilitados nesta delegación provincial.
Lugo, 29 de xaneiro de 2001.
Luis Vázquez González
Delegado provincial de Lugo
ANEXO
-Expediente: C-64/2000.
Denunciado: Dositeo López Vázquez.
DNI: 33.811.929-C.
Enderezo: r/ Río Ulla, nº 47-1º, Lugo.
Feitos imputados: practica-lo deporte cinexético da caza en horas nocturnas (1.05 h), desde o vehículo marca Citroën, modelo C-15, matrícula LU-4458-P, auxiliado pola luz artificial do mesmo, efectuando dous disparos, encontrándose a escopeta alimentada con dous cartuchos e disposta para o seu uso no asento dianteiro dereito do vehículo. Feitos constatados o día 25-10-2000, ás 1.05 h no couto de caza Sta. María Alta, LU-10.003-monte do Veral; inmediacións Penarrubia. Lugo.
Preceptos infrinxidos: 59.12º, 59.8º, 58.37º da Lei 4/1997, de caza de Galicia.
Cualificación da infracción: moi grave.
Sanción: 1.000.001 ptas.
Inhabilitación para obte-la licencia de caza e para a práctica deste deporte por un período de cinco anos e un día.