No Xulgado do Contencioso-Administrativo número un de Santiago de Compostela tramítase o recurso nº 20/2001 (procedemento abreviado) interposto por Rosa Blanco Iglesias e Flora Gándara Carballido contra a resolución deste centro directivo, do 30 de novembro de 2000 (DOG nº 239, do 12 de decembro), pola que se abre un prazo de dez días para presentar solicitudes para vinculacións temporais de diversas categorías de persoal estatutario do Servicio Galego de Saúde.

O que se notifica para xeral coñecemento de tódalas persoas interesadas no procedemento e se lles emprazan para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, regulamentadora da xurisdicción contencioso-administrativa.

Santiago de Compostela, 27 de febreiro de 2001.

Valeriano Martínez García

Director xeral da División de Recursos Humanos