De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), notifícaselles ás personas que nos anexos se mencionan a incoación de expediente sancionador por presuntas infraccións da Lei 7/1992, do 24 de xullo, de pesca fluvial (DOG nº 151, do 5 de agosto), e do seu regulamento, aprobado polo Decreto 130/1997, do 14 de maio (DOG nº 106, do 4 de xuño).
Noméase instructora do expediente a Miriam Areal López, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administración públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa do Paseo, 18, 5º, e achega-las alegacións, documentos e informacións que consideren convenientes na súa defensa, e, se é o caso, propoñer proba concretando os medios de que pretenden valerse.
De non efectuaren ningunha alegación no prazo fixado, este acordo de incoación poderá ser considerado proposta de resolución, conforme o establecido no artigo 13.2º do regulamento para o exercicio da potestade sancionadora, aprobado polo Real decreto 1398/1993, do 4 de agosto.
Ourense, 14 de febreiro de 2001.
Agustín Prado Verdeal
Delegado provincial de Ourense
ANEXO
Expediente: OU 2/01P.
Denunciado: Eulogio Martínez González.
DNI: 76.713.441-R.
Último enderezo coñecido: Xesús Carlos Romero. Xinzo de Limia.
Feito denunciado: pescar sen licencia, en día inhábil e con tres canas, empregando cebos non autorizados.
Preceptos infrinxidos e sancionadores: artigo 34.1º da Lei de pesca fluvial.
Cualificación da infracción: menos grave.
Sanción: multa de 75.000 pesetas e un ano de inhabilitación para obte-la licencia de pesca.
Instructora: Miriam Areal López.