Vacantes na Administración de xustiza postos de traballo do corpo que se vai extinguir de secretarios de xulgados de paz de poboacións de máis de 7.000 habitantes, dotados orzamentariamente e que a súa
provisión estímase conveniente en atención ás necesidades do servicio, procede convocar concurso de traslados de conformidade co establecido nos artigos 455, 481 e 494 da Lei orgánica 6/1985, do 1 de xullo, do poder xudicial, o Regulamento orgánico de secretarios da xustiza municipal aprobado por Decreto do 12 de xuño de 1970 e o capítulo III do título IV do Regulamento orgánico do corpos de oficiais, auxiliares e axentes da Administración de Xustiza aprobado por Real decreto 249/1996, do 16 de febreiro.
Por todo iso, o Ministerio de Xustiza, coordenadamente coa Comunidade Autónoma de Galicia, dispoñen convocar concurso para a provisión dos postos que se relacionan no anexo I segundo as seguintes bases:
Primeira.-Postos que se poden solicitar.
1. Poderán tomar parte no presente concurso e solicita-las vacantes de postos de traballo de secretarías de xulgados de paz da Administración de Xustiza os funcionarios pertencentes ó corpo que se vai extinguir de secretarios de xulgados de paz de máis de 7.000 habitantes e os oficiais da Administración de xustiza, calquera que sexa a súa situación administrativa, agás os suspensos que non remataran o período de suspensión, tendo os funcionarios do corpo de secretarios de paz preferencia sobre os integrantes do corpo de oficiais da Administración de xustiza para prazas de localidades de máis de 7.000 habitantes.
2. Faise constar que as prazas ofrecidas para as agrupacións de secretarías de xulgados de paz de poboacións que non superan os 7.000 habitantes de dereito soamente poderán ser cubertas por oficiais da Administración de xustiza, xa que o Decreto 1639/1970, do 12 de xuño, polo que se aproba o Regulamento orgánico de secretarios de xulgados de paz de máis de 7.000 habitantes, soamente permite a estes ocupar prazas en localidades de censo superior ó citado.
3. A adxudicación das prazas de secretarías de xulgados de paz a oficiais da Administración de xustiza non suporá en ningún caso ascenso nin cambio de corpo ou categoría dos adxudicatarios.
4. Os participantes poderán solicitar as prazas vacantes incluídas no anexo I desta resolución de convocatoria, sempre que reúnan os requisitos xerais exisidos na data de finalización do prazo de presentación de solicitudes. As ditas vacantes identificaranse polo seu literal e polo código do centro de destino, relación de postos de traballo (RPT) e número de orde do posto de traballo (NOPT).
Segunda.-Requisitos e condicións de participación.
1. Os funcionarios do corpo que se vai extinguir de secretarios de xulgados de paz de máis de 7.000 habitantes e os do corpo de oficiais da Administración de xustiza, só poderán participar se na data de remate do prazo de presentación de instancias transcorreu un ano desde a toma de posesión no seu actual posto de traballo definitivo (artigo 57 c) do Real decreto 249/1996).
2. Os funcionarios en servicio activo con destino provisional nos órganos que se oferten estarán obrigados a participar no presente concurso.
No caso de que non obtiveran destino no concurso, se lles atribuirá o desempeño provisonal dun posto correspondente ó seu corpo.
3. Os funcionarios que se atopen nas situacións de excedencia voluntaria establecidas no artigo 34 letras b) e c) do Real decreto 249/1996, (excedencias por agrupación familiar e por interese particular), só poderán participar no concurso se na data de remate do prazo de presentación de solicitudes transcorresen dous anos como mínimo desde que foran declarados nesa situación.
4. Os funcionarios en situación de excedencia para o coidado de fillos, ó abeiro do disposto no artigo 35 do Real decreto 249/1996, só poderán concursar se transcorreu un ano desde a toma de posesión do derradeiro destino definitivo.
5. Os excedentes forzosos que ocupen prazas ofertadas no presente concurso terán a obriga de participar no presente concurso co obxecto de obter un posto de traballo definitivo. De non participar neste concurso ou non obter posto de traballo, serán destinados a calquera dos non adxudicados ós outros concursantes.
Os excedentes forzosos, os suspensos definitivos que perderan o seu posto de traballo e os excedentes voluntarios do artigo 34 a) do Regulamento orgánico aprobado por Real decreto 249/1996, gozarán, por esta orde, a primeira vez que se anuncie a concurso vacante do corpo na mesma localidade onde servían cando se produciu o seu cesamento no servicio activo, de dereito preferente para ocupala.
6. As preferencias aludidas no punto 5 parágrafo segundo da presente base deberán ser acreditadas, acompañando á instancia fotocopias compulsadas dos documentos polos que se declara o pase ás ditas situacións administrativas, non valorándose a preferencia en caso de non achegalos.
Terceira.-Baremos.
A valoración de méritos para a adxudicación dos postos de traballo farase de acordo con dous baremos, segundo que a praza corresponda a xulgados con poboación superior ós 7.000 habitantes ou non.
1. Para prazas de secretarías de paz de máis de 7.000 habitantes.
1.1. Funcionarios do corpo que se vai extinguir de secretarios de paz de máis de 7.000 habitantes, terán preferencias sobre os oficiais da Administración de xustiza, valorándose entre eles a antigüidade polos servicios efectivos prestados no corpo, outorgándose un punto por cada ano completo de servicios e computándose proporcionalmente os períodos inferiores (0,0027777 por día), establecéndose os meses como de 30 días.
1.2. Os funcionarios do corpo de oficiais da Administración de xustiza optarán a estas prazas con posterioridade ós secretarios de paz mencionados no punto anterior. Entre os oficiais teranse en conta as seguintes preferencias:
1º Oficiais que estiveran en posesión do título de licenciado en dereito.
2º Oficiais titulares dunha secretaría de paz.
3º Demais oficiais.
Dentro de cada un dos tres grupos relacionados, a valoración de méritos levarase a cabo de acordo co baremo establecido para as prazas de secretarías de paz de menos de 7.000 habitantes.
2. Para prazas de secretarías de paz de menos de 7.000 habitantes.
Só poderán optar a estas prazas os funcionarios do corpo de oficiais da Administración de xustiza, téndose en conta as seguintes preferencias:
1º Oficiais que estiveran en posesión do título de licenciado en dereito.
2º Oficiais titulares dunha secretaría de paz.
3º Demais oficiais.
Dentro de cada unha das preferencias citadas, a valoración de méritos da antigüidade e o coñecemento da lingua oficial da Comunidade Autónoma farase na forma seguinte:
a) Antigüidade.-Polos servicios efectivos no corpo será outorgado un punto por cada ano completo de servicios, computándose proporcionalmente os períodos inferiores (0,0027777 por día), establecéndose os meses como de 30 días.
b) Coñecemento oral e escrito da lingua oficial propia da Comunidade Autónoma.-Nas prazas situadas nas comunidades autónomas que teñan lingua oficial propia, como é o caso, o coñecemento oral e escrito desta debidamente acreditado por medio de certificación oficial da Comunidade Autónoma, ou homologación do título achegado e do nivel ó que corresponda o título, supón o recoñecemento para estes efectos de ata 6 puntos segundo o nivel de coñecementos acreditado nos termos da disposición adicional segunda do Regulamento orgánico aprobado por Real decreto 249/1996, do 16 de febreiro na forma seguinte:
1) Curso de iniciación e perfeccionamento ou curso básico de linguaxe xurídica galega: dous puntos.
2) Curso medio de linguaxe xurídica galega: catro puntos.
3) Curso superior de linguaxe xurídica galega: seis puntos.
Non serán valorados aqueles documentos fotocopiados non compulsados.
Cuarta.-Modelos e prazos de presentación de solicitudes.
1. Os funcionarios destinados definitivamente en postos das relacións de postos de traballo do corpo que se vai extinguir de secretarios de paz e do corpo de oficiais da Administración de xustiza correspondentes a Galicia, así como os que se atopen en situación de servicios especiais e excedentes por coidado de fillo que teñen reservado o seu posto de traballo en Galicia, presentarán a súa solicitude axustada ó modelo V-I publicado como anexo II da presente resolución no prazo de 10 días naturais seguintes ó da publicación da presente convocatoria no Diario Oficial de Galicia, ou contados a partir do día seguin
te á súa publicación no BOE, no caso de que a publicación non se faga simultaneamente no BOE e no Diario Oficial de Galicia, dirixida á directora xeral de Xustiza da Consellería de Xustiza, Interior e Relacións Laborais da Xunta de Galicia, edificio administrativo San Caetano s/n, 15781 Santiago de Compostela.
Os funcionarios destinados en xulgados ou tribunais do ámbito territorial de xestión do Ministerio de Xustiza ou doutras comunidades autónomas con competencias, presentarán a súa solicitude con independencia de onde estean radicadas as prazas que se soliciten, ante o departamento de Xustiza do seu actual destino.
2. Os funcionarios destinados en postos das relacións de postos de traballo doutros corpos da Administración de xustiza ou doutras administracións que se atopen en excedencia do artigo 34 letra a) do Real decreto 249/1996, do 16 de febreiro, nos corpos de secretarios de paz de máis de 7.000 habitantes ou de oficiais da Administración de xustiza, que fagan constar como primeiro destino calquera dos convocados mediante a presente resolución, radicados en Galicia, utilizarán o modelo V-2 publicado como anexo II a esta resolución no prazo de 10 días naturais seguintes ó da publicación da presente convocatoria no Diario Oficial de Galicia, ou contados a partir do día seguinte á súa publicación no BOE, no caso de que a publicación non se faga simultaneamente no BOE e no Diario Oficial de Galicia, dirixida á directora xeral de Xustiza da Consellería de Xustiza, Interior e Relacións Laborais da Xunta de Galicia, edificio administrativo San Caetano s/n, 15781 Santiago de Compostela.
3. Os restantes solicitantes que desexen participar no presente concurso, como os excedentes forzosos aínda que tivesen un destino provisorio, os suspensos definitivos que perderan o seu posto de traballo, os participantes con destino provisional por ter reingresado no servicio activo, así como os restantes excedentes voluntarios por agrupación familiar ou por interese particular, que fagan constar como primeiro destino calquera dos convocados mediante a presente resolución, radicados en Galicia, utilizarán o modelo V-3 publicado como anexo II a esta resolución no prazo de 10 días naturais seguintes ó da publicación da presente convocatoria no Diario Oficial de Galicia, ou contados a partir do día seguinte á súa publicación no BOE, no caso de que a publicación non se faga simultaneamente no BOE e no Diario Oficial de Galicia, dirixida á directora xeral de Xustiza da Consellería de Xustiza, Interior e Relacións Laborais da Xunta de Galicia, edificio administrativo San Caetano s/n,
15781 Santiago de Compostela.
4. As solicitudes poderán remitirse tamén na forma prevista no artigo 38 da Lei de réxime xurídico das administracións públicas e do procedemento administrativo común.
As que se presenten nas oficinas de correos enviaranse en calquera das dúas modalidades seguintes:
a) Por correo ordinario, neste caso deberá ter entrada no rexistro xeral do Ministerio de Xustiza, xeren
cias territoriais ou rexistro xeral da Consellería de Xustiza, Interior e Relacións Laborais da Comunidade Autónoma de Galicia (edificio administrativo San Caetano s/n 15781 Santiago de Compostela), para os funcionarios destinados nos xulgados e tribunais de Galicia, en todo caso, antes da data de remate do prazo de presentación de instancias.
b) Por correo certificado, neste suposto presentaranse nas oficinas de correos en sobre aberto para ser datadas e seladas polo funcionario de correos antes de ser remitidas. Os participantes no concurso deberán envia-la instancia que teña o selo da oficina de correos, sen que poida admitirse pasado o prazo de presentación de instancias aquela que non cumpra este requisito, aínda que posteriormente se puidera acreditar tal extremo.
5. Os excedentes voluntarios por interese particular engadirán á súa solicitude declaración de non ter sido separado de calquera das administracións públicas.
6. A solicitude para tomar parte neste concurso será única para cada funcionario participante. Do mesmo modo mediante unha única instancia deberán optar por participar desde o corpo no que o funcionario se atope en activo, ou reingresar ó servicio activo no corpo do que formen parte como excedentes.
Aqueles funcionarios que incumpran o previsto nos dous parágrafos anteriores serán excluídos da participación no concurso.
Ó resultaren irrenunciables os destinos obtidos por instancia do funcionario no caso de obter destino, o reingresado ó servicio mediante concurso de traslado, quedará automaticamente en excedencia no corpo no que se atopase en activo, polo que o seu destino actual se ofrecerá como praza vacante en posteriores concursos de traslado.
7. A solicitude formulada será vinculante para o peticionario unha vez transcorrido o período de presentación de instancias.
8. No caso de discrepancia entre a transcrición do código informático dun posto concreto e o seu literal, quedaría anulada a petición do dito posto. Igualmente será anulado aquel posto de traballo no que a súa transcrición literal ó seu código informático de centro de destino (incluída relación de postos de traballo, RPT, e número de orde do dito posto, NOPT), sexan incompletos.
Quinta.-Peticións condicionadas.
No caso de estaren interesados nas vacantes que se anuncian para unha mesma provincia dous funcionarios pertencentes ó corpo de oficiais, poderán condiciona-la súa petición ó feito de que ámbolos dous obteñan destino na mesma provincia, entendéndose no caso contrario anuladas as peticións condicionadas efectuadas por ámbolos dous. Os funcionarios que se acollan a esta petición condicional deberan concretalo na súa instancia, e engadir fotocopia da petición do outro funcionario.
No caso de que non se concretara na instancia ou non se engadira a fotocopia da instancia do segundo concursante, entenderase anulada a petición condicionada efectuada por ámbolos dous.
Os funcionarios que se acollan a esta base deberán agrupa-los postos que condicionan nos primeiros números de orde de preferencia da solicitude, poñendo o resto dos non condicionados a continuación.
Sexta.-Adxudicacións:
1. A orde de prioridade para a adxudicación dos postos de traballo virá dada pola puntuación total obtida segundo os baremos da base terceira.
2. No caso de empate na puntuación total, acudirase para dirimilo á orde segundo escala do funcionario.
Sétima.-Carácter dos destinos adxudicados.
1. Os traslados que deriven da resolución do presente concurso, terán a consideración de voluntarios para os efectos previstos no Real decreto 236/1988, do 4 de marzo, sobre indemnizacións por razóns de servicio.
2. Os destinos adxudicados serán irrenunciables.
Oitava.-Resolución e prazo posesorio.
1. A presente convocatoria resolverase por resolución provisional da directora xeral de Xustiza da Xunta de Galicia, de xeito que se publiquen simultaneamente nos taboleiros de anuncios do Ministerio de Xustiza, da Xerencia Territorial de Xustiza da Comunidade Autónoma, así como dos tribunais superiores de xustiza e audiencias provinciais.
Así mesmo, exporase nos ditos taboleiros de anuncio a relación de admitidos e excluídos coas causas de exclusión e o prazo para emendar posibles erros materiais.
2. As resolucións provisionais expresarán o posto de orixe dos interesados ós que se lles adxudique destino e a súa localidade, así como a súa situación administrativa, se esta é distinta á de activo e o posto adxudicado a cada funcionario con referencia ó centro de traballo e localidade.
3. Contra as resolucións provisionais polas que se resolvan os concursos de traslado cabe formular alegacións no prazo de dez días dende a súa publicación nos taboleiros de anuncios referidos, perante a autoridade á quen se dirixiu a petición de participación no presente concurso, utilizando para iso o modelo que se xunta á presente convocatoria como anexo III. Resoltas estas por outras resolucións o concurso de traslado obterá firmeza.
Aquelas alegacións que non foran resoltas expresamente, consideraranse desestimadas ante a publicación da resolución definitiva do concurso.
4. O prazo para tomar posesión do novo destino obtido será de 10 días naturais, se hai cambio de localidade, pero cando teña lugar dentro da mesma poboación, deberá efectuarse nos 3 días naturais seguintes ó cesamento.
5. O prazo para a toma de posesión comezará a contarse a partir do día seguinte do cesamento.
6. Se a resolución comporta reingreso no servicio activo, o prazo de toma de posesión deberá comezar a contar desde a dita publicación.
7. Se non se lograra a simultaneidade da publicación da resolución cos boletíns oficiais das comunidades autónomas, os prazos computaranse desde o día seguinte ó da publicación no BOE.
8. O cómputo dos prazos posesorios iniciarase cando rematen os permisos ou licencias que estean disfrutando os funcionarios, non sendo que por circunstancias excepcionais debidamente motivadas se suspenda ou revogue o desfrute destes.
Novena.-Recursos.
Contra a presente resolución, que esgota a vía administrativa, poderase interpoñer recurso contencioso-administrativo ante os xulgados do contencioso-administrativo da provincia da Coruña no prazo de dous meses desde o día seguinte ó da súa publicación no BOE, de conformidade co establecido nos artigos 14.2º e 25 da Lei 29/1998, do 13 de xullo, reguladora da xurisdicción contencioso-administrativa; ou ben recurso potestativo de reposición ante este órgano no prazo dun mes, contado desde o día seguinte ó da súa publicación no BOE, segundo establece os artigos 116 e 117 da Lei 4/99, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 15 de febrero de 2001.
P.D. (Orde 12-12-2000)
Alfonso Rueda de Valenzuela
Director xeral de Administración Local
ANEXO I
de Galicia
Comunidade Autónoma
Código RTP NOPT Vacantes Idioma
(A Coruña)
(A Coruña)
(A Coruña)
(A Coruña)
(A Coruña)
(Lugo)
(Lugo)
(Pontevedra)
(Pontevedra)
(Pontevedra)
Xulgado de Paz-Ames
9252900015020 35 3 1 SI
Xulgado de Paz-Cabana de Bergantiños (A Coruña) 9252900015140 35 2 1 SI
Xulgado de Paz-Mazaricos
9252900015440 35 2 1 SI
Xulgado de Paz-Muxía
9252900015510 35 2 1 SI
Xulgado de Paz-Neda
9252900015540 35 2 1 SI
Xulgado de Paz-A Pobra do Caramiñal (A Coruña) 9252900015660 35 3 1 SI
Xulgado de Paz-Zas *
9252900015920 35 2 1 SI
Xulgado de Paz-Quiroga
9252900027490 35 2 1 SI
Xulgado de Paz-O Saviñao
9252900027570 35 2 1 SI
Xulgado de Paz-O Grove
9252900036220 35 3 1 SI
Xulgado de Paz-A Guarda
9252900036230 35 3 1 SI
Xulgado de Paz-Salvaterra de Miño (Pontevedra) 9252900036490 35 3 1 SI
Xulgado de Paz-Silleda
9252900036510 35 3 1 SI
* Xulgado de Paz de menos de 7.000 habitantes.
