Obxecto: contratación da prestación dos servicios de vixilancia e seguridade nas dependencias da Escola Galega de Administración Pública, mediante concurso aberto.

Orzamento de licitación: 23.000.000 de pesetas (138.232,78 euros), IVE incluído.

Garantía provisional: 460.000 pesetas (2.764,656 euros)

Garantía definitiva: o 4% do importe de adxudicación.

Clasificación esixida: grupo III, subgrupo 2 e categoría A.

Prazo de execución: 1 ano.

Documentos de interese para os licitadores: a documentación poderá retirarse na Escola Galega de Administración Pública, os días e horas hábiles de oficina durante o prazo de presentación de proposicións, situada na rúa de Madrid 2-4, (15707) Santiago de Compostela e no enderezo de Internet http://www.xunta.es/contratacion.

Modelo de proposición: o que figura como anexo I do prego de cláusulas administrativas particulares.

Prazo de presentación de proposicións: as proposicións terán que presentarse en sobre pechado, no rexistro xeral da Escola Galega de Administración Pública, situado na rúa de Madrid 2-4 (15707), Santiago de Compostela, ou por correo, da forma indicada no artigo 100 do Regulamento xeral de contratación do Estado. O prazo de admisión será de quince días naturais, contados a partir do día seguinte ó da publicación deste anuncio no Diario Oficial de Galicia.

Apertura de proposicións: en acto público, na sala de reunións da Escola Galega de Administración Pública, ás 12 horas do terceiro día hábil, contado a partir do día seguinte a aquel en que remata o prazo para a presentación das ofertas.

O importe deste anuncio será por conta do adxudicatario, que o aboará con antelación á sinatura do contrato.

Santiago de Compostela, 16 de febreiro de 2001.

Domingo Bello Janeiro

Director da Escola Galega de Administración Pública