A Constitución española no seu artigo 18.4º dispón que «a lei limitará o uso da informática para garanti-lo honor e a intimidade persoal e familiar dos cidadáns e o pleno exercicio dos seus dereitos».

Neste sentido, a Lei orgánica 15/1999, do 13 de decembro, de protección de datos de carácter persoal, regula o tratamento de datos de carácter persoal rexistrados en soporte físico, así como toda modalidade de uso posterior deles polos sectores público e privado. Neste marco, é obxecto desta regulación a garantía e protección dos dereitos fundamentais e liberdades públicas das persoas físicas e especialmente do seu honor e intimidade persoal e familiar.

O artigo 20.1º da devandita lei dispón que a creación, modificación ou supresión dos ficheiros das administracións públicas só poderá facerse por medio de disposición xeral publicada no BOE ou dirario oficial correspondente.

En consonancia, e en virtude das facultades que me confire o artigo 34.6º da Lei 1/1983, do 22 de febreiro, da Xunta de Galicia e do seu presidente, modificada parcialmente pola Lei 11/1998, do 20 de outubro

DISPOÑO:

Artigo 1º.-Obxecto.

Mediante a presente orde a Consellería de Sanidade e Servicios Sociais, Servicio Galego de Saúde e centros dependentes deste, proceden a dar de baixa no rexistro xeral da Axencia de Protección de Datos, os ficheiros, así como as localizacións, que se relacionan no anexo da presente orde.

Artigo 2º.-Destino.

Os datos de carácter persoal que causaron baixa segundo o disposto no artigo anterior serán incluídos dentro da declaración de ficheiros existentes na Consellería de Sanidade e Servicios Sociais, Servicio Galego de Saúde e centros dependentes deste.

Disposición derradeira

A presente orde entrará en vigor ó día seguinte da súa publicación no Diario Oficial de Galicia.

Santiago de Compostela, 2 de febreiro de 2001.

José Mª Hernández Cochón

Conselleiro de Sanidade e Servicios Sociais

ANEXO

Relación de centros, nos que se procede a dar de baixa os ficheiros referenciados