A Comisión de Goberno, en sesión do 5-2-2001, adoptou o seguinte acordo:
«Primeiro.-Prestar aprobación definitiva ó proxecto de compensación do polígono nº 1 da unidade de actuación nº 2 do PXOU, formulado por Prycoga, Sociedad Limitada na súa condición de propietaria única da totalidade dos terreos que o integran, e presentado a esta Administración municipal polo seu administrador único, Enrique Ramírez Piñeiro, sendo redactado polos avogados María Teresa Pazos Currás e Andrés Méndez González e presentado no rexistro xeral do concello o 26 de setembro pasado, coa finalidade de proceder á xestión e execución urbanística deste ámbito espacial de equidistribución, determinándose que a formalización deste proxecto de compensación se efectúe en documento administrativo coas solemnidades e requisitos dispostos para as actas dos acordos deste concello co contido legalmente esixido, ou ben mediante escritura pública se así o prefire a propietaria única e por conta dela. En calquera caso, o documento no que se formalice será inscrito no Rexistro da Propiedade,
logo de protocolización notarial del, sendo ámbalas obrigas por conta da propiedade.
Segundo.-Incorporar, de acordo con este proxecto de compensación os terreos deste polígono nº 1 da UA nº 2, de cesión obrigatoria -en pleno dominio e completamente libres de cargas e gravames- ó patrimonio municipal e inventario de bens e a súa afectación ós usos previstos polo planeamento, sen achega económica ou patrimonial ningunha deste concello, en función do ofrecemento efectuado nese sentido por Prycoga, S.L., en escrito presentado o día 13-11-2000.
A cesión entenderase sen prexuízo do dereito de ocupación para se proceder á execución das obras, tendo que efectuarse a cesión e entrega da urbanización nun prazo non superior a tres meses contado desde a recepción definitiva pola propiedade, formalizándose esta en actas que subscribirán este concello e a sociedade limitada promotora».
O que se fai público para a súa executividade, significándose que contra este acto poderá interpoñerse ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa notificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, consonte o disposto nos artigos 8.1º e 46.1º da Lei 29/1998, do 13 de xullo.
De interpoñerse o recurso potestativo de reposición, éste deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desta Lei 30/1992; poderá entón interpoñerse recurso contencioso-administrativo dentro do prazo de seis meses contado desde o día seguinte daquel no que deba entenderse presuntamente desestimado o recurso de reposición interposto, consonte o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados estimen procedentes consonte a dereito.
Pontevedra, 12 de febreiro de 2001.
P.D.
Xosé Cesáreo Mosquera Lorenzo
Tenente alcalde delegado da Área de Urbanismo
e Medio Ambiente
Julio Dapena Outomuro
Secretario xeral