Advertidos erros no anexo I da resolución desta universidade do 19 de decembro de 2000 (DOG do 22 de xaneiro de 2001), pola que se convocan probas selectivas para a provisión de catro prazas de especialistas de laboratorios, vacantes no cadro de persoal laboral desta universidade, este rectorado, ó amparo do previsto no artigo 105.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE do 14 de xaneiro), procede á súa rectificación nos seguintes termos:
Fase de concurso:
Onde di: «Quenda libre: valoraranse os servicios prestados na Universidade da Coruña como persoal contratado non permanente, a razón, de 0,5 puntos por cada mes completo ou fracción, ata un máximo de 35 puntos».
Debe dicir: «Quenda libre: valoraranse os servicios prestados na Universidade da Coruña na categoría de especialista de laboratorio, como persoal contratado non permanente, a razón de 0,5 puntos
por cada mes completo ou fracción, ata un máximo de 35 puntos».
A Coruña, 1 de febreiro de 2001.
José Luis Meilán Gil
Rector da Universidade da Coruña