Convocada a provisión, polo sistema de libre designación, de dous postos de traballo vacantes no Instituto Galego da Vivenda e Solo, pola Orde do 20 de decembro de 2000 (DOG nº 5, do 8 de xaneiro de 2001), este instituto, no uso das facultades e atribucións conferidas pola Lei 4/1988, da función pública, e os artigos 16 e 17 do Decreto 93/1991, do 20 de marzo, e vista a proposta do director xeral do IGVS do 7 de febreiro,

RESOLVO:

Primeiro.-Adxudicarlles destino nos postos de traballo que se indican ós funcionarios que se expresan no anexo da presente orde.

Segundo.-O cesamento no actual destino dos funcionarios que obtiveron praza producirase no prazo de tres días, contados a partir do seguinte ó da data de publicación da presente orde no Diario Oficial de Galicia.

Se na data na que debe cesar no seu destino o funcionario está gozando dun período de licencia,

vacacións ou permiso, o prazo para efectualo empezará a contar a partir do día seguinte ó da súa incorporación.

A toma de posesión das prazas adxudicadas deberase realizar no prazo de tres días a partir do seguinte ó do cesamento de tratarse da mesma localidade na que actualmente prestan os seus servicios os funcionarios, ou no prazo dun mes, de tratarse de distinta localidade, conforme o establecido no artigo 14 e 16 do Decreto 93/1991, do 20 de marzo (DOG nº 58, do 25 de marzo).

Terceiro.-A xefatura de persoal do centro no que causen alta os funcionarios efectuará dentro dos prazos sinalados anteriormente a dilixencia de toma de posesión e seguidamente serán realizados os trámites para a súa alta en nómina.

Das citadas dilixencias remitiranse copias á Dirección Xeral da Función Pública e á Inspección Xeral de Servicios.

Cuarto.-Contra a presente orde, que esgota a vía administrativa, poderase interpoñer potestativamente recurso de reposición ante este mesmo órgano no prazo dun mes contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo redacción dada pola Lei 4/1999, do 13 de xaneiro, ou poderase interpoñer recurso contencioso-administrativo ante o xul

gado do contencioso-administrativo competente no prazo de dous meses contados a partir do día seguinte ó da súa publicación.

Santiago de Compostela, 9 de febreiro de 2001.

José Cuíña Crespo

Conselleiro de Política Territorial, Obras Públicas e Vivenda

ANEXO

DNI: 33.823.201.

Grupo: D.

Apelidos e nome: M. Consuelo Trastoy Burgo.

Posto de traballo: habilitado.

Nivel: 18.

Código posto: OTA991000015001031.

Localidade: Ferrol.

Dependencia: Área Provincial IGVS A Coruña.

DNI: 33.243.505.

Grupo: D.

Apelidos e nome: José F. Rodríguez Nimo.

Posto de traballo: habilitado.

Nivel: 18.

Código posto: OTA991000036001020.

Localidade: Vigo.

Dependencia: Área Provincial IGVS Pontevedra.