Resolución do Concello de Vilalba, do 25 de xaneiro de 2001, pola que se aprobou o prego de cláusulas administrativas particulares que deberá rexe-lo concurso aberto, mediante tramitación urxente, para a adxudicación das obras do proxecto básico de execución de reforma e adaptación de edificio existente para sede do Museo de Prehistoria e Arqueoloxía de Vilalba.

a) Forma de adxudicación: levarase a cabo polo procedemento aberto e sistema de concurso mediante tramitación urxente.

b) Tipo de licitación: o tipo de licitación fíxase en 27.098.045 pesetas (vintesete millóns oitenta e nove mil corenta e cinco pesetas) 162.808,43 euros, importe do prezo máximo de execución po contrata, por tódolos conceptos, incluíndo todo tipo de impostos, incluso o IVE.

c) Prazo de execución das obras: o prazo de execución das obras será de seis meses.

d) Proposicións: lugar e prazo de proposicións: os licitadores poderán presentar proposicións dentro do prazo de 13 días naturais seguintes ó da última publicación do anuncio no DOG ou no BOP.

Cada licitador só poderá presentar unha proposición.

e) Garantía provisional: 541.781 pesetas (3.256,17 euros).

f) Garantía definitiva: o 4% do orzamento do contrato.

g) Criterios de adxudicación: os sinalados no prego.

h) Documentación: a información e documentación estarán á disposición dos interesados na Secretaría do Concello de Vilalba.

Teléfono: 982 51 03 05. Fax: 982 51 18 15.

i) Apertura de proposicións: terá lugar ás 12 horas do cuarto día hábil seguinte a aquel en que remate o prazo de presentación de proposicións.

j) Modelo de proposicións: o que figura no prego de cláusulas.

k) Reclamacións: poderán presentarse reclamación contra o prego de condicións no rexistro xeral do concello, durante o prazo de 8 días hábiles, contados a partir da última publicación deste anuncio no DOG ou no BOP de Lugo. Ó mesmo tempo, e de conformidade co disposto no artigo 122.2º do Real decreto 781/1986, anúnciase simultaneamente o concurso, aínda que, no suposto de que se presentasen reclamacións contra o prego de condicións, o concurso quedará aprazado ata que aquelas se resolvan.

O custo deste anuncio é por conta do adxudicatario.

Vilalba, 26 de xaneiro de 2001.

O alcalde

Rubricado