O Pleno do Concello de Vigo, en sesión do 14 de xullo de 2000, acordou aprobar inicialmente a
modificación puntual nº 21 do PXOU de Vigo, relativa ó sistema viario de conexión entre a autopista A-9 e a rúa Sanjurjo Badía, segundo a documentación redactada polos servicios técnicos da Xerencia Municipal de Urbanismo.
Sométese este expediente ó trámite de información pública polo prazo dun mes, a través de publicación no DOG, BOP, nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes, contado desde o último anuncio.
A documentación deste expediente atópase ó dispor do público en xeral na Oficina de Información Urbanística, na planta baixa da xerencia.
Este anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que, por resultar descoñecido ou ignorado o seu domicilio, non poidan ser notificados persoalmente.
Vigo, 13 de febreiro de 2001.
Lois Pérez Castrillo
Alcalde-presidente da Xerencia Municipal
de Urbanismo