A Comisión de Goberno, en sesión do 22 de xaneiro de 2001 aprobou, con carácter inicial, o proxecto de urbanización formulado por Prycoga, Sociedad Cooperativa Limitada, coa finalidade de levar á práctica o Plan Especial da Unidade de Actuación nº 2
do Plan Xeral de Ordenación Urbana, dentro do seu concreto polígono nº 1, situado entre a rúa Luis Otero e a avenida de Compostela e sendo redactado polo arquitecto Manuel Jesús Freijeiro, con vixado da Delegación en Pontevedra do COAG do 13-9-2000, facéndose constar no devandito acordo que aínda que o presente proxecto de urbanización comprende os polígonos 1 e 2 da antiga unidade de actuación 2 do PXOU, nos seus documentos de resolución gráfica como na súa descrición escrita, memoria e prego de condicións se diferencia, segundo o informe técnico municipal, a execución independente dos polígonos en etapas diferentes. Nese sentido, declárase que a documentación do polígono 2 enténdese como proposta de solución factible e para a constatación da súa posible urbanización partindo do polígono 1. Deste modo, a futura xunta de compensación do polígono 2 poderá, no seu día, asumir este proxecto ou ben presentar un documento distinto, sempre que se adapte á normativa urbanística vixente,
dispoñéndose o seu sometemento a información pública.
Durante o prazo dun mes, contado a partir da inserción deste anuncio no Diario Oficial de Galicia, calquera interesado poderá examina-lo expediente no Servicio Municipal de Urbanismo, Medio Ambiente e Patrimonio Histórico (rúa Churruchaos, nº 2 desta cidade), e formula-las alegacións e xustificacións que estime procedentes.
Pontevedra, 31 de xaneiro de 2001.
P.D.
Xosé Cesáreo Mosquera Lorenzo
Tte. alcalde delegado da Área de Urbanismo
e Medio Ambiente
Julio Dapena Outomuro
Secretario xeral