Aprobado na sesión plenaria do día 11 de xaneiro de 2001, con carácter inicial, o proxecto do Plan parcial promovido por Xestur, S.A. para a ordenación do solo industrial no lugar da Rega, parroquia de Cuíña, neste concello de Ortigueira, ó abeiro do artigo 42.1º da Lei 1/1997, do 24 de marzo, do solo de Galicia, ábrese un período de información pública polo prazo dun mes, contado desde o día seguinte ó desta publicación no Diario Oficial de Galicia.
Así mesmo, faise público que ó abeiro do artigo 34.2º da Lei 1/1997, do 24 de marzo, do solo de Galicia, tódalas áreas do territorio da citada modificación puntual, ó modificarse as determinacións do réxime urbanístico, quedan afectadas pola suspensión de licencias á que se refire o artigo 34 da citada Lei 1/1997, do 24 de marzo, do solo de Galicia.
Ortigueira, 12 de xaneiro de 2001.
Antonio Campo Fernández
Alcalde