A Delegación Provincial do Instituto Galego da Vivenda e Solo de Lugo tramitou expediente de dilixencias previas 19/1998, seguidas en virtude de denuncia formulada por Diego Rodríguez López e Beatriz Iglesias Real, contra a promotora inmobiliaria Cooperativa Férrea Sarriana, finalizando este trámite con requirimento á promotora inmobiliaria para que emende as deficiencias observadas na vivenda 2º A da rúa Porvenir, 15-17 de Sarria (Lugo).
As obras de reparación que hai que realizar son as necesarias para emenda-las deficiencias observadas, consistentes en:
-A saída de fumes da caldeira de calefacción está conectada a un shum na cociña, o que ocasiona un tiro defectuoso e retornos pola campá extractora.
-Condensación nun dormitorio, na fachada e medianeira.
-A persiana do salón sáese das guías porque está máis estreita có oco.
-Pezas do aseo sen selar e desprende olores.
Para tal fin concédeselle á empresa un prazo de 10 días para a remisión do proxecto e orzamento a esta delegación provincial, e un prazo de 30 días para a súa execución.
A non realización das obras nos prazos sinalados determinará a iniciación do oportuno expediente sancionador.
Lugo, 20 de novembro de 2000.
Antonio Boné Pina
Delegado provincial de Lugo