Visto o texto do acordo asinado o día 11 de decembro de 2000, pola comisión negociadora do convenio colectivo para o sector de edificación e obras públicas (código 2700255), da provincia de Lugo, integrada pola representación da Asociación Provincial de Empresarios de la Construcción (APEC) e das centrais sindicais MCA-UGT (48,4%), FECOMA-CC.OO.(27,7%), USO (8%) e FCM-CIG (14,6%), mediante o que se fixa o calendario laboral para o ano 2001, no ámbito do referido convenio, e de conformidade co disposto no artigo 90, puntos 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no
Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial,
ACORDA:
Primeiro.-Ordena-la inscrición do citado acordo no rexistro de convenios desta delegación, así como o seu depósito.
Segundo.-Remiti-lo texto do citado acordo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 11 de xaneiro de 2001.
Manuel Teijeiro Álvarez
Delegado provincial de Lugo
Asistentes:
Representación sindical.
Por MCA-UGT co 48,4%:
Adolfo Mosteirín Turía.
Carlos García Vázquez.
Pedro González Sordo.
Por FECOMA-CC.OO. co 27,7%:
Evaristo Manuel Arias Álvarez.
Jesús Varela Lodeiro.
Por USO co 8%:
Manuel Expósito López.
Manuel Silvarrey Cabado.
Por FCM-CIG co 14,6%:
Ignacio Javier García Gómez.
Guillermo Rey Rouco.
Representación patronal (APEC):
Hipólito Trinidad Losada.
Miguel Varela Varela.
Ricardo Castro López.
José Juan Meijide Calvo.
Manuel Sánchez Varela.
Silviano Pizarro Gómez.
Asesora:
Pilar Díaz Rodríguez.
Na cidade de Lugo, o 11 de decembro de 2000, ás 17 horas, reúnense os representantes das centrais sindicais e de APEC que á marxe se relacionan, como compoñentes da comisión deliberadora do con
venio provincial de edificación e obras públicas co obxecto de tratar sobre o calendario laboral para o ano 2001.
Despois dunha ampla deliberación, adóptanse os seguintes acordos:
Primeiro: fixar como festivos do convenio para o ano 2001: o 26 de febreiro, 30 de abril, 17 de maio, 18 de maio, 2 de novembro, 7 de decembro, 24 de decembro, 31 de decembro, e 4 horas correspondentes á xornada de tarde do día 27 de abril.
Segundo: adapta-lo calendario laboral á xornada de 1.756 horas anuais para dar cumprimento ó artigo 70.1º do convenio xeral do sector construcción, que se xunta ó presente acordo.
Terceiro: os días FC que figuran no calendario, se coinciden en período vacacional, non computan para os efectos do FC.
Cuarto: autorizar expresamente a asesora da comisión negociadora, Pilar Díaz Rodríguez, para que se dirixa á delegación provincial da Consellería de Xustiza, Interior e Relacións Laborais, para os efectos de proceder á tramitación, depósito e publicación.
E en proba de conformidade, asinan a presente acta os integrantes da comisión negociadora, no lugar e data indicados no encabezamento.