O Consello da Xerencia Municipal de Urbanismo, en sesión do día 15 de decembro de 2000 adoptou, entre outros, o seguinte acordo:
«Primerio.-Aprobar inicialmente (expediente 5195/411), o Plan especial de reforma interior da unidade de actuación 3 Casás, no núcleo 07.03 Casás D, presentado pola entidade Construcciones Mopelo, S.L., conforme a documentación refundida, con datas de visado do 2 de agosto de 2000, redactada polo arquitecto Antonio González Suárez-Llanos.
Segundo.-Sométese o expediente ó trámite de información pública polo prazo dun mes mediante publicación de anuncios no DOG, nun dos xornais de maior circulación da provincia e notificación individualizada ós propietarios dos terreos afectados».
O prazo de exposición entenderase aberto desde a primeira publicación ata o remate do mes, contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.
Vigo, 12 de xaneiro de 2000.
Lois Pérez Castrillo
Alcalde-presidente da Xerencia Municipal
de Urbanismo