Vistos polo Xulgado do Contencioso-Administrativo número un da Coruña os autos nº 435/99, tramitados pola vía procedemental correspondente ó procedemento abreviado, promovidos por Mª Elena Blanco Martínez, contra a orde da Consellería da Presidencia e Administración Pública do 1 de decembro de 1998, pola que se eleva a definitiva a proposta de aspirantes que superaron o proceso selectivo para o ingreso na categoría 5 (oficial 2ª cociña//cociñeiro/a oficial 2ª), correspondente ó grupo IV do persoal laboral fixo da Xunta de Galicia (DOG do 11-12-1998), dictou a sentencia nº 287/99, pronunciándose no seguinte sentido:

«Fallo: Que procede, de conformidade co teor dos arts. 68.1º b) e 2º; 70.2º e 71.1º a); b) y c) da Lei 29/1998, do 13 de xullo, estimar sequera parcialmente aquel recurso contencioso-administrativo e, en consecuencia, declara-la anulabilidade e deixar sen efecto a Orde do 1 de decembro de 1998 (DOG 239/1998), do conselleiro da Presidencia e Administración Pública da Xunta de Galicia, no que atinxe só ó proceso selectivo antes sinalado para acceso á categoría 5 (oficial 2º cociña-cociñeiro oficial 2º), de acceso libre correspondente ó grupo IV de persoal laboral fixo da Xunta de Galicia, procedendo, en consecuencia, á retroacción do referido proceso selectivo-concursal á fase de valoración de méritos, e debendo o tribunal cualificador que consta en autos ponderar exteriorizada e motivadamente a respectiva experiencia profesional das persoas físicas agora contrapartes e daquelas outras persoas otrora concorrentes conforme os documentos entón existentes no expediente; permanecen, polo

demáis, inalteradas aquelas outras notas 1 e 2 referentes á outra diferenciada fase selectiva, nunca cuestionada, procedéndo o correspondente órgano administrativo-cualificador e, por ende, a Administración autonómica a respectiva, específica e motivada valoración final correspondente a aquel prazo de tres (3) meses, contados desde a notificación da presente sentencia e desde que sexa firme; non cabe especial pronunciamento en materia de costas».

O día 1 de marzo de 2000, o director xeral da Función Pública dispuxo a execución da dita sentencia firme, nos seus propios termos, en virtude do previsto nos artigos 103 e seguintes da Lei 29/1998, do 13 de xullo.

Tralas actuacións realizadas na execución de sentencia, en providencia do 28 de decembro de 2000,

o xulgado do contencioso-administrativo número un da Coruña di:

«.... acorda o reescalafonamento daquela promovente Elena Blanco Martínez ó térselle computado, finalmente, un total de vinte con douscentos sesenta (20,260) puntos no proceso concursal de autos para ingreso na categoría 5-oficial 2ª cociñeira-cociñeiro oficial 2ª-grupo IV, de persoal laboral fixo da Xunta de Galicia, por serlle computados os seus correspondentes méritos e historial profesional polo órgano administrativo avaliador reunido para o efecto», ordena que se:

«... proceda ó reescalafonamento da dita promovente e do outro persoal afectado polas presentes resultas xudiciais conforme a puntuación outorgada finalmente...».

Como consecuencia, procede publicar unha nova relación definitiva de aspirantes que superaron o proceso selectivo para o acceso á categoría 5 (oficial 2ª cociña...) do grupo IV do persoal laboral fixo da Xunta de Galicia, na que se recollan as alteracións provocadas pola execución da sentencia citada, é dicir, outorgarlle a Elena Blanco Martínez un total de 20,260 puntos, modificándose correlativamente a orde de prelación dos aspirantes con menor puntuación total no devandito proceso selectivo.

Polo tanto, en virtude do exposto,

DISPOÑO:

Primeiro.-Modifica-la Orde do 1 de decembro de 1998 pola que se elevou a definitiva a proposta de aspirantes que superaron o proceso selectivo para o ingreso, entre outras, na categoría 5 (oficial 2ª cociña, cociñeiro oficial 2ª) do grupo IV do persoal laboral fixo da Xunta de Galicia, que se publica como anexo á presente orde, de tal xeito que Elena Blanco Martínez pasa a figurar con 20,260 puntos en total e ascende ata o posto inmediatamente anterior a Ana Lobato Botana, alterándose correlativamente a orde de prelación que figuraba na orde modificada.

Segundo.-Facúltase o director xeral da Función Pública para dictar cantos actos e disposicións sexan necesarios para executa-las consecuencias da presente orde.

Terceiro.-Contra a dita orde pódese interpoñer reclamación administrativa previa perante o conselleiro da Presidencia e Administración Pública, no prazo dun mes contado a partir do día seguinte ó da publicación da presente orde no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común e demais disposicións concordantes.

Santiago de Compostela, 23 de xaneiro de 2001.

Jaime Pita Varela

Conselleiro da Presidencia e Administración

Pública

ANEXO

Promoción interna

Acceso libre