A orde da Consellería de Agricultura, Gandería e Política Agroalimentaria do 27 de marzo de 2000 (DOG nº 66, do 4 de abril) define as normas para a aplicación dun programa de axudas ó cesamento anticipado da actividade agraria na que, conforme o disposto no artigo 9, o Instituto Lácteo e Gandeiro de Galicia (Ilgga) se constitúe como servicio de transmisión, encargado de realiza-las actividades administrativas de mediación entre cedentes e cesionarios, nos supostos en que se suscriba contrato de mandato, en modelo oficial, entre o cedente e o director do devandito instituto.
Pola súa banda, mediante resolución da Dirección do Ilgga, do 14 de xuño de 2000 (DOG nº 134, do 11 de xullo), publicouse, no seu anexo II, o modelo oficial de contrato de mandato entre o mandante-cedente (titular dunha explotación que se acolle ó cesamento anticipado na actividade agraria) e o representante do servicio de transmisión.
Ó abeiro do disposto no artigo 9.3º da dita orde, o Ilgga ofertará, por conta e nome do cedente, os predios obxecto de transmisión nos correspondentes contratos de mandato, mediante publicación no Diario Oficial de Galicia, dunha relación de propietarios, predios, superficies destes, concellos nos que se localizan e réxime no que se oferta a transmisión, así como, de se-lo caso, os dereitos, cotas, cantidades de referencia e concesións administrativas.
Posto que determinados titulares de explotacións formalizaron contrato de mandato co servicio de transmisión, mediante a presente resolución o Ilgga, conforme a previsión do devandito artigo 9.3º, oferta os predios dos titulares de explotacións agrarias (mandantes), acollidos ó cesamento anticipado.
Xa que logo, con base no exposto,
RESOLVO:
Primeiro.-Oferta de predios obxecto de transmisión.
Conforme o previsto no artigo 9.3º da orde da Consellería de Agricultura, Gandería e Política Agroalimentaria, do 27 de marzo de 2000, e nas condicións establecidas no contrato de mandato asinado, por unha parte, polos mandantes-cedentes, titulares de explotacións acollidos ó cesamento anticipado na actividade agraria e, por outra, polo Instituto Lácteo e Gandeiro de Galicia (Ilgga), como servicio de transmisión, este oferta, en nome e por conta daqueles, os predios especificados nos anexos I e II da presente resolución, no réxime de oferta que se indica.
Segundo.-Solicitudes para acollerse á oferta.
Os potenciais cesionarios, agrarios ou non agrarios, interesados en acollerse á oferta de transmisión, achegarán un escrito, dirixido á Dirección do Ilgga (sita na rúa dos Irmandiños s/n, Salgueiriños, 15704, Santiago de Compostela), no que manifesten o seu interese en seren cesionarios dos predios ofertados.
Terceiro.-Traslado ós cedentes.
Dos escritos presentados no servicio de transmisión darase oportuno traslado ós propietarios dos predios ofertados, co fin de obte-la súa conformidade, coa conseguinte formalización da transmisión no réxime de oferta que corresponda.
Cuarto.-Utilización das terras cedidas.
Na formalización da transmisión que se efectúe entre o cedente e o cesionario, deberá consta-la obriga deste de que as terras cedidas, calquera que sexa o seu destino, se utilizarán en condicións compatibles coa conservación ou a mellora do ambiente, do espacio natural e do campo, en cumprimento do previsto no artigo 8.4º da Orde do 27 de marzo de 2000.
Quinto.-Exposición pública.
A presente resolución exporase nos servicios provinciais do Ilgga na Coruña e Pontevedra, así como nas axencias de Extensión Agraria de Santiago e Silleda.
Santiago de Compostela, 24 de xaneiro de 2001.
Manuel Díaz Cano
Director do Instituto Lácteo e Gandeiro de Galicia
ANEXO I
Propietaria: María Romero Barreiro.
Expediente: 15/2000/01225.
(en hectáreas)Provincia Concello Polígono Parcela Sup. agraria
Réxime de oferta
A CORUÑA VAL DO DUBRA 85 123 0,14 Arrendamento
A CORUÑA VAL DO DUBRA 86 8033 0,02 Arrendamento
A CORUÑA VAL DO DUBRA 86 8134 0,01 Arrendamento
A CORUÑA VAL DO DUBRA 421 92 0,02 Arrendamento
A CORUÑA VAL DO DUBRA 85 8006 0,05 Arrendamento
A CORUÑA VAL DO DUBRA 85 8097 0,02 Arrendamento
A CORUÑA VAL DO DUBRA 86 38 0,12 Arrendamento
A CORUÑA VAL DO DUBRA 86 8019 0,14 Arrendamento
A CORUÑA VAL DO DUBRA 86 8022 0,02 Arrendamento
A CORUÑA VAL DO DUBRA 86 8049 0,01 Arrendamento
A CORUÑA VAL DO DUBRA 86 8089 0,01 Arrendamento
A CORUÑA VAL DO DUBRA 86 8090 0,02 Arrendamento
A CORUÑA VAL DO DUBRA 91 8003 0,02 Arrendamento
A CORUÑA VAL DO DUBRA 504 319 0,12 Arrendamento
A CORUÑA VAL DO DUBRA 504 416 0,05 Arrendamento
A CORUÑA VAL DO DUBRA 504 417 0,23 Arrendamento
A CORUÑA VAL DO DUBRA 504 397 0,06 Arrendamento
A CORUÑA VAL DO DUBRA 504 421 0,18 Arrendamento
Total superficie agraria (en hectáreas) 1,24
ANEXO II
Propietaria: Purificación Docampo Vilar.
Expediente: 36/2000/000201.
(en hectáreas)Provincia Concello Polígono Parcela Sup. agraria
Réxime de oferta
PONTEVEDRA SILLEDA 9 375 0,13 Arrendamento
PONTEVEDRA SILLEDA 10 43 0,40 Arrendamento
PONTEVEDRA SILLEDA 9 388 2,22 Arrendamento
Total superficie agraria (en hectáreas) 2,75