Visto o texto da acta asinada o día 4 de decembro de 2000 pola mesa negociadora do convenio colectivo do sector da construcción e obras públicas da provincia da Coruña (código convenio nº 1500395) integrada en representación da parte económica pola Asociación Provincial de Empresarios de la Construcción de A Coruña (Apecco) e da parte social por UGT, CC.OO. e CIG, na que se acorda aproba-lo calendario laboral para o ano 2001 no ámbito do respectivo convenio colectivo, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Adminis
tración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 19 de decembro de 2000.
José Antonio Álvarez Vidal
Delegado provincial da Coruña
Acta nº 1
Convenio colectivo de construcción
e obras públicas
Provincia da Coruña
Asistentes:
-Por Apecco:
Antonio Fernández Durán.
Silviano Pizarro Gómez.
Antonio Fernández Chao (asesor).
Miguel García Eiroa (secretario).
-Por UGT:
Manuel Carballo Gago.
Celestino Pérez Vázquez.
Jesús Calvo Romero.
Por CC.OO.:
Argimiro González Pérez.
Santiago Huertas Pozurama.
Emilio Pérez Lage.
-Por CIG:
Indalecio López Rodríguez.
Victorino Ares Prado.
Faustino Barcia Santos.
Na cidade da Coruña, 4 de decembro de 2000, sendo as 17 horas, reúnense nos locais de Apecco os señores que arriba se relacionan, para proceder a dar cumprimento ós trámites de constitución da mesa negociadora do convenio colectivo provincial da Coruña, de construcción e obras públicas, e recoñecemento de lexitimidade.
Para os efectos de representatividade acredítanse as seguintes porcentaxes:
UGT: 37,4%.
CC.OO.: 29,6%.
CIG: 30,1%.
E en representación de cada unha das centrais, asistirán as seguintes persoas:
-Por UGT:
Celestino Pérez Vázquez.
Jesús Calvo Romero.
-Por CC.OO.:
Argimiro González Pérez.
Santiago Huertas Pozurama.
Emilio Pérez Lage.
-Por CIG:
Indalecio López Rodríguez.
Victorino Ares Prado.
Faustino Barcia Santos.
-E en representación da Asociación Provincial de Empresarios de la Construcción de A Coruña (Apecco):
Antonio Fernández Durán.
Benigno López Bueno.
Silviano Pizarro Gómez.
Manuel López Grobas.
Antonio Fernández Chao (asesor).
Miguel García Eiroa (secretario).
Nos expresados termos queda constituída a mesa negociadora do convenio colectivo de construcción e obras públicas da provincia da Coruña.
Aberta a sesión y despois dunha ampla deliberación con relación ó calendario laboral que rexerá para o ano 2001, acórdase aprobar por unanimidade o que se xunta á presente acta, como anexo I e que entra en vigor na data da súa sinatura.
En consecuencia, páctanse como festivos para o ano 2001 os seguintes:
5 de xaneiro (4 horas).
26 de febreiro.
30 de abril.
17 de maio.
18 de maio.
2 de novembro.
7 de decembro.
24 de decembro.
31 de decembro.
Os días F.C. que figuran no calendario, se coinciden en período vacacional, non computan para os efectos de F.C.
Así mesmo, facúltase a Miguel García Eiroa, secretario, para a presentación do calendario indicado ante a Delegación Provincial de Xustiza, Interior e Relacións Laborais da Xunta de Galicia, para os efectos da súa homologación e posterior publicación no BOP e no Diario Oficial de Galicia.
En proba de conformidade asínase esta acta no lugar e data máis arriba indicados.
