O Xurado Provincial de Clasificación de Montes Veciñais en Man Común de Ourense acordou en sesión do 2 de xuño de 1999, inicia-lo expediente de clasificación coma veciñal en man común do monte denominado Monte Rapado e Caberteña e coas características que de seguido se relacionan, nomeándose instructores do expediente a Manuel Bouzas Costa e Miriam Areal López.
Publícase de acordo co establecido no artigo 23.2º do Decreto 260/1992, do 4 de setembro, (DOG nº 186, do 23 de setembro), polo que se aproba o regulamento para a execución da Lei 13/1989, do 10 de outubro, de montes veciñais en man común.
Concello: Xinzo de Limia.
Denominación: Monte Rapado e Caberteña.
Comunidade propietaria: veciños de San Vitorio e Casa da Veiga.
Superficie: 50 ha, aproximadamente.
Estremas:
Norte: camiño veciñal, Francisco Conde Colmenero, Alfredo Casal Feijóo, Serafín Do Muíño Rodríguez e outros terreos dos veciños de Ganade.
Sur: termo municipal de Porqueira.
Leste: camiño público, Francisco Martínez Parada, José Martínez González e outros veciños de Ganade:
Oeste: termo municipal de Porqueira.
Iníciase a apertura do período dun mes para a práctica de alegacións a partir do día seguinte da publicación do edicto no Diario Oficial de Galicia.
Ourense, 30 de novembro de 2000.
Miriam Areal López
Secretaria do Xurado Provincial de Clasificación de Montes Veciñais en Man Común de Ourense
Vº e prace
Agustín Prado Verdeal
Presidente do Xurado Provincial de Clasificación de Montes Veciñais e Man Común de Ourense