Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Energías Especiales, S.A.
Domicilio social: avda. de Arteixo, 171, 15000 A Coruña.
Denominación: subestación de Boaña 66 kV (subestación de interconexión do parque eólico de Castelo).
Situación: Santa Comba (A Coruña).
Descricións técnicas: subestación a 66 kV para interconexión da L.A.T. 66 kV, con orixe na subestación 20/66 kV do parque eólico de Castelo, coa L.A.T. 66 kV Carballo-Negreira propiedade de Unión Fenosa Distribución, S.A., composta por xogo de barras a 66 kV, con tres posicións de liña e unha posición para alimentación de servicios auxiliares con transformador de 160 kVA e aparellos para medida, protección, telemando e telecontrol.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.
A Coruña, 15 de xaneiro de 2001.
Jesús Espada Martínez
Delegado provincial da Coruña