Visto o expediente para outorgamento de autorización administrativa, declaración, en concreto, de utilidade pública e a necesidade da urxente ocupación que leva implícita, así como a aprobación do proxecto de execución da instalación eléctrica que a continuación se cita.
Solicitante: Unión Fenosa Energías Especiales, S.A.
Domicilio social: r/ Betanzos, 1-1º esq. 15004, A Coruña.
Denominación: L.A.T. 66 kV sub. parque eólico de Castelo-Módulo interconexión L.A.T. 66 kV Carballo-Santa Comba.
Situación: Coristanco e Santa Comba.
Descricións técnicas: L.A.T. aérea de 66 kV de 5.567 metros de lonxitude, sobre apoios metálicos realizados en torres de celosía, con conductor LA-180, con orixe na subestación do parque eólico de Castelo e remate no módulo de interconexión coa L.A.T. 66 kV Carballo-Santa Comba, discorrendo polos termos municipais de Coristanco e Santa Comba.
Cumpridos os trámites ordenados na Lei 54/1997, do 27 de novembro, e nos capítulos III e IV dos decretos 2617 e 2619/1966, do 20 de outubro, sobre autorización de instalacións eléctricas, esta delegación provincial resolve:
Autorizar, declarar, en concreto, de utilidade pública e a necesidade da urxente ocupación que leva implícita, así como a aprobación do proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.
A Coruña, 15 de xaneiro de 2001.
Jesús Espada Martínez
Delegado provincial da Coruña