O Concello de Sarria, e de acordo co prego de cláusulas económico-administrativas e de prescricións técnicas aprobados polo Concello Pleno en sesión do 26 de outubro de 2000, convoca a seguinte licitación:
Denominación: a xestión, mediante concesión administrativa, do servico de carga, descarga e transporte a domicilio e nos establecementos de venda autorizados das reses sacrificadas no matadoiro municipal.
Prazo de execución: catro (4) anos, prorrogables na forma prevista no prego de cláusulas.
Tramitación: ordinaria, procedemento:aberto; forma: concurso.
Orzamento de licitación: 4.500.000 pesetas (IVE incluído).
Garantías: provisional: 9.000 pesetas; definitiva: 4% da adxudicación.
Presentación de ofertas: quince (15) días naturais contados a partir do seguinte ó da publicación do presente edicto no DOG.
Apertura de plicas: o terceiro día hábil seguinte ó da terminación da presentación de proposicións.
Información: concello de Sarria, rúa Maior, 14-Sarria. Teléfono: 982 53 50 00. Fax: 982 53 09 16.
Gastos: os gastos de anuncios correrán a cargo do adxudicatario.
Anuncio extenso: BOP de Lugo número 276 do 1 de decembro de 2000.
Sarria, 2 de xaneiro de 2001.
O alcalde
Rubricado