En cumprimento do disposto no artigo 2, punto 4º, do Decreto 327/1991, de 4 de outubro, de avaliación dos efectos ambientas para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude,
RESOLVO:
1. Someter a información pública, o estudio de efectos ambientais da planta de transferencia do Rosal (Pontevedra), promovido pola Mancomunidade Intermunicipal do Baixo Miño.
2. Para os devanditos efectos informativos, poranse a disposición dos administrados, exemplares nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente de Pontevedra.
-Concello do Rosal.
3. As alegacións formularanse durante o dito prazo de vinte días, contado a partir do día seguinte á publicación desta resolución no Diario Oficial de Galicia.
Santiago de Compostela, 8 de xaneiro de 2001.
Francisco Pan-Montojo González
Director xeral de Calidade e Avaliación Ambiental