De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta de constitución e os estatutos da Asociación Téxtil de Complementos e Deseño da Comarca de Tabeirós-Terra de Montes (Atexcode), que abrangue os seguintes ámbitos:
Territorial: comarcal.
Profesional: promover, impulsar e apoia-los asociados, titulares ou representantes de empresas vencelladas ó sector téxtil, de complementos e deseño, da comarca.
Asinan a acta de constitución: Jesús Sáez Batallán, e outros.
Os estatutos depositados poderán ser examinados por calquera persoa interesada.
Vigo, 15 de decembro de 2000.
Antonio Coello Bufill
Delegado provincial de Pontevedra