De conformidade co disposto no artigo 11 do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia, someto a información pública a solicitude de autorización administrativa das instalacións do parque eólico de Carballeira, coas seguintes características:
Peticionario: Endesa Cogeneración y Renovables, S.A.; Rúa do Castiñeiriño, nº 12-3º, 15702 Santiago de Compostela (A Coruña).
Situación: concellos das Pontes de García Rodríguez (A Coruña), Muras e Xermade (Lugo).
Localización (coordenadas poligonais UTM):
V(595.000, 4.812.700); V(600.000, 4.812.600); V(600.000, 4.810.000); V(597.500, 4.809.500), V(595.000, 4.812.000).
Potencia bruta: 24,42 MW.
As entidades públicas ou privadas interesadas poderán presentar solicitudes en competencia durante o prazo de 20 días contados a partir do seguinte ó da publicación desta resolución, mediante o procedemento establecido no artigo 10 do Decreto 205/1995, do 6 de xullo, que regula o aproveitamento da enerxía eólica en Galicia.
Santiago de Compostela, 5 de xaneiro de 2001.
Ramón Ordás Badía
Director xeral de Industria