O Pleno da Corporación aprobou o prego de cláusulas que rexerá o concurso para contratar, por procedemento aberto, tramitación ordinaria, a subministración de materiais para a obra do PIEL para o ano 2000.
1. Entidade adxudicadora: Concello da Gudiña, avenida Beato Aparicio, nº 76, 32540 A Gudiña. Teléfono: 988 59 40 06. Fax: 988 42 10 81. Dependencia que tramita o expediente: Secretaría, onde se poderá obter copia do prego de condicións.
2. Obxecto do contrato: a subministración de materiais para a obra do PIEL/2000, segundo o respectivo proxecto técnico.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Prezo: o prezo non se sinala, debe ser ofertado polos licitadores para cada artigo que se relaciona no prego de cláusulas administrativas, no que estará comprendido o IVE.
5. Garantías.
a) Provisional: non se esixe.
b) Definitiva: 200.000 pesetas.
6. Presentación de ofertas: dentro dos 15 días naturais contados desde o seguinte ó da data de publicación do anuncio no BOP e no DOG. Se o último día fose inhábil, o prazo rematará o primeiro día hábil seguinte.
7. Apertura de ofertas: ás 12 horas do cuarto día hábil seguinte a aquel no que remate o prazo de presentación de proposicións (agás sábados).
8. Gastos de anuncios: por conta do adxudicatario.
O que se fai público para dar cumprimento ó establecido no artigo 326 da Lei 3/1997, do 22 de xullo, da Administración local de Galicia.
A Gudiña, 14 de decembro de 2000.
Guillermo Lago Pérez
Alcalde