Vista a solicitude presentada por José Juan Meijide Calvo en representación da Fundación Instituto da Construcción Val de Lemos e a documentación anexa, na que se solicita que lle sexa concedida a cualificación de entidade recoñecida para impartir cursos teórico-prácticos para a obtención de carnés profesionais de instalador autorizado de gas para as categorías IG-I e IG-II.

Vista a Orde do 17 de decembro de 1985, pola que se aproba a instrucción sobre documentación e posta en servicio das instalacións receptoras de gas combustible e a instruccción sobre instaladores autorizados de gas e empresas instaladoras (BOE do 8 de xaneiro 1986).

Considerando que se cumpriron os requisitos regulamentarios establecidos, a Dirección Xeral de Industria

RESOLVE:

Concederlle á Fundación Instituto da Construcción Val de Lemos a cualificación de entidade recoñecida para imparti-los cursos teórico-prácticos para a obtención dos carnés profesionais de instalador de gas, de conformidade co establecido no capítulo III da Orde do 17 de decembro de 1985, no ámbito da provincia de Lugo.

Para imparti-los cursos, deberáselles comunicar á Dirección Xeral de Industria e á Delegación Provincial da Consellería de Industria e Comercio da provincia correspondente o programa, profesorado, lugar, horario e exames, co fin de realiza-lo control correspondente.

Esta autorización deberase renovar ós dous anos, para o que deberá acreditar ante a Dirección Xeral de Industria o cumprimento dos requisitos esixidos na autorización inicial.

Santiago de Compostela, 15 de novembro de 2000.

Ramón Ordás Badía

Director xeral de Industria