O Concello de Ramirás solicitou a cesión por parte da Xunta de Galicia dun treito da antiga estrada C-531 (Xinzo de Limia-Vilagarcía de Arousa), comprendido no termo municipal e que queda fóra do novo trazado da referida estrada logo das obras de mellora e ampliación efectuadas nela.
Conforme o sinalado nos artigos 4 e 5 da Lei 4/1994, do 14 de setembro, de estradas de Galicia, por proposta do conselleiro de Política Territorial, Obras Públicas e Vivenda, logo de acordo entre as administracións afectadas e logo de deliberación do Consello da Xunta de Galicia na súa reunión do día vinteoito de decembro de dous mil,
DISPOÑO:
Artigo 1º
Apróbase o cambio de titularidade, en favor do Concello de Ramirás, do treito correspondente á modificación do trazado da estrada C-531 (Xinzo de Limia-Vilagarcía de Arousa; treito: Celanova-Ramirás) que a seguir se relaciona:
Treito: Pambre.
A antiga estrada C-531 discorre nunha lonxitude de 130 metros a través do núcleo de Pambre, parroquia de Casardeita.
O treito enlaza coa actual C-531 nos p.k. 33,271 e 33,100.
Antigo 2º
Corresponderalle ó Concello de Ramirás a xestión, o mantemento, a conservación e a explotación da vía cedida.
Disposición derradeira
Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vinteoito de decembro de dous mil.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas
e Vivenda