A Comisión de Goberno do Concello, na súa sesión do 27 de novembro de 2000, aprobou definitivamente o proxecto de compensación do polígono 1 do Plan parcial do solo urbanizable programado número 3 (SUP-3) da Ponte Pedriña de Arriba, promovido pola xunta de compensación, e ocupación dos terreos dos propietarios non adheridos á xunta de compensación.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; ou alternativamente, poderase interpoñer recurso potestativo de reposición ante a comisión de goberno do concello no prazo dun mes a contar desde a mesma data.
Santiago de Compostela, 13 de decembro de 2000.
Luis Toxo Ramallo
Concelleiro delegado de Urbanismo