De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícase ó denunciado cos datos persoais e último domicilio coñecido que se sinalará a seguir, a proposta de resolución do expediente sancionador por presunta infracción da Lei sobre incendios forestais 81/1968, do 5 de decembro, e do seu regulamento, aprobado polo Decreto 3769/1972, do 23 de decembro, en relación coa Resolución do 14 de xaneiro de 2000, da Dirección Xeral de Montes e Medio Ambiente Natural, sobre medidas para a prevención de incendios forestais durante o ano 2000, ó non ser posible a súa notificación a través do servicio de correos.

Para os efectos previstos na Lei de réxime xurídico das administracións públicas e do procedemento administrativo común, o expedientado disporá dun prazo de quince (15) días hábiles, contados a partir do seguinte ó da publicación desta notificación para que poida examina-lo expediente nesta delegación provincial, sita na rúa do Paseo nº 18-5º andar e achegar por escrito as alegacións, e os documentos, informacións ou proposta de probas que consideren convenientes na defensa dos seus dereitos segundo o establecido no regulamento para o exercicio da potestade sancionadora, aprobado polo Real decreto 1398/1993, do 4 de agosto.

Para resolve-lo expediente é competente por razón da contía da multa o delegado provincial desta consellería, de acordo co artigo 141 do regulamento da Lei de incendios forestais.

O pagamento voluntario porá fin ó expediente. O importe da sanción que en cada caso corresponda farase efectiva na conta número 2091-0388-90-3110001181 de Caixa Galicia, empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia, presentándoos en calquera entidade bancaria.

Ourense, 11 decembro de 2000.

Visto e prace

Miriam Areal López

Instructora

Agustín Prado Verdeal

Delegado provincial de Ourense

ANEXO

Expediente: 550/00-I.

Denunciado: Andrés Gómez Varela.

DNI: 34.957.026-Q.

Último domicilio coñecido: estrada de Rairo, Rúa da Poza, 22, Ourense.

Feitos denunciados: queima de chatarra, pneumáticos, etc..., sen autorización.

Precepto infrinxido e sancionador: artigo 137 b) do Regulamento do 23 de decembro de 1972, en relacion coa Resolución do 14 xaneiro de 2000, da Dirección Xeral de Montes e Medio Ambiente Natural.

Sanción: 25.000 pesetas.