O Xurado Provincial de Clasificación de Montes Veciñais en Man Común de Ourense acordou, en sesión celebrada en data do 30 de xuño de 1999, inicia-lo expediente de clasificación como veciñal en man común do monte denominado Carqueixal e coas características que a seguir se relacionan, nomeándose instructores do expediente a José Ramón Goyanes Flores e Miriam Areal López.
Publícase de acordo co establecido no artigo 23.2º do Decreto 260/1992, do 4 de setembro, (DOG nº 186, do 23 de setembro), polo que se aproba o regulamento para a execución da Lei 13/1989, do 10 de outubro, de montes veciñais en man común.
Concello: Montederramo.
Denominación: monte Carqueixal.
Comunidade propietaria: veciños de Verducedo, A Lama, Viloxe, A Cepada e Cascarballo.
Superficie: 10 ha, aproximadamente.
Estremas:
Norte: pista da Cerdeira.
Sur: regato Forcha e predios particulares de Antonio González González, Andrés Fernández Domínguez (veciños de Verducedo).
Leste: atallada.
Oeste: propiedade particular de José Gómez Gómez (veciños de Viloxe).
Iníciase a apertura do período dun mes para a práctica de alegacións a partir do día seguinte da publicación do edicto no Diario Oficial de Galicia.
Ourense, 9 de novembro de 2000.
Miriam Areal López
Secretaria do Xurado Provincial de Clasificación
de Montes Veciñais en Man Común de Ourense
Visto e prace
Agustín Prado Verdeal
Presidente do Xurado Provincial de Clasificación
de Montes Veciñais en Man Común de Ourense