De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo o acordo do delegado desta consellería en Pontevedra, polo que se ordena a incoación do expediente de restitución e reposición da legalidade polos feitos sinalados, presumiblemente constitutivos dunha infracción da Lei 22/1988, de costas (no sucesivo L.C.), e do seu regulamento xeral para o desenvolvemento e execución da L.C., aprobado polo Real decreto 1471/1989 e modificado polos reais decretos 1112/1992 e 1771/1994 (en diante R.C.); noméase instructor a Alfonso Fernández Fernández e secretario a Francisco Javier Fernández Rosendo, ámbolos dous funcionarios do Servicio de Conservación do Litoral desta delegación provincial (Decreto 482/1997, do 26 de decembro, polo que se establece a estructura orgánica da Consellería de Medio Ambiente, modificado polo Decreto 122/1999, do 23 de
abril).
Os nomeamentos do instructor e secretario poderán ser impugnados polas causas establecidas nos artigos 28 e 29 da Lei 30/1992.
De conformidade co establecido no artigo 42 da Lei 30/1992, modificada pola Lei 4/1999, do 13 de xaneiro, cómpre informarlle de que o prazo máximo establecido para a tramitación e resolución deste expediente é de 3 meses. Transcorrido o referido prazo sen recaer resolución no expediente, producirase a caducidade sen que esta implique por si soa a prescrición das accións do particular ou da Administración, pero os procedementos caducados non interromperán o prazo de prescrición (artigos 44.2º e 92.3º da lei citada anteriormente), sen que se poida dar, neste caso, por disposición do establecido nos artigos 92 da L.C. e 176.1º do R.C.
Así mesmo, cómpre indicarlle que este prazo de tres meses quedará suspendido:
-Cando se lle deba requirir ó interesado emenda de deficiencias, achega de documentos e outros elementos de xuízo necesarios, polo tempo que medie entre as notificacións e o seu efectivo cumprimento polo interesado ou, no seu defecto, polo transcurso do prazo concedido.
-Cando deban solicitarse informes, desde a súa petición, que deberá notificarse ó interesado, ata a súa recepción, non excedendo en ningún caso de tres meses.
-Cando deban realizarse probas técnicas ou análises contradictorias, polo tempo necesario para a incorporación dos resultados ó expediente.
En virtude do anterior acordo, os interesados disporán dun prazo de vinte (20) días, contados a partir
da publicación deste anuncio no Diario Oficial de Galicia, para formularen alegacións e propoñeren, se é o caso, a práctica daquelas probas que consideren pertinentes para a determinación dos feitos. Será de aplicación en materia de proba o disposto polos artigos 80 e 81 da LRXAPAC.
Pontevedra, 23 de novembro de 2000.
José Luis Díez Yáñez
Delegado provincial de Pontevedra
ANEXO
Expediente número: 71.14/2000.
Denunciado/a: Promiasa, S.A.
Condición: promotora.
Último enderezo coñecido: r/ Michelena, nº 1-6º, Pontevedra.
Interesado/a: Coporteliña, S.L.
Condición: favorecida por anotación preventiva de embargo.
Último enderezo coñecido: r/ San Guillermo, nº 23, baixo, Pontevedra.
Data do acordo: 3-11-2000.
Feitos: construcción de vivendas en liña.
Lugar: Chancelas.
Concello: Poio.