Visto o texto do convenio colectivo para o sector comercio retallista téxtil, con nº de código 3600375 que tivo entrada nesta delegación provincial o día 31-10-2000, subscrito en representación da parte económica pola Asociación Provincial de Empresarios do Comercio Retallista Téxtil, e da parte social, polas centrais sindicais CC.OO e UGT, con data do 18-10-2000. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 9 de novembro de 2000.
Antonio Coello Bufill
Delegado provincial de Pontevedra
Convenio colectivo de traballo para o sector de comercio retallista téxtil de Pontevedra
Capítulo I
Disposicións xerais
Artigo 1º.-Partes asinantes.
Son partes asinantes do presente convenio as centrais sindicais Comisións Obreiras (CC.OO.) e a Unión Xeral de Traballadores (UGT), en representación dos traballadores, e a Asociación Provincial de Empresarios del Comercio Retallista Téxtil de Pontevedra, en representación dos empresarios do sector.
Artigo 2º.-Ámbito de aplicación.
O presente convenio regulará as relacións laborais de tódalas empresas da provincia de Pontevedra que, tanto na actualidade, como no futuro, se dediquen
á venda retallista de tecidos en xeral, roupa confeccionada, alfombras e tapices, paquetería, mercería, quincalla, etc.
Artigo 3º.-Duración e vixencia.
O presente convenio entrará en vigor ós quince días do seu asinamento, sen prexuízo da súa publicación no BOP, se ben os seus efectos económicos se retrotraerán ó 1 de febreiro de 2000.
Terá unha duración de 23 e rematarán os seus efectos o día 31 de decembro de 2001.
Entenderase prorrogado tacitamente por anualidades, se non media denuncia das partes con tres meses, polo menos, ó remate da súa vixencia. A dita denuncia deberá facerse por escrito dirixido á outra parte afectada polo convenio.
Artigo 4º.-Condicións máis beneficiosas.
O persoal que con anterioridade ó convenio estivese desfrutando dunhas condicións económicas ou laborais máis beneficiosas que as aquí pactadas, deberá conservalas, facéndose o cálculo polo conxunto anual de tódalas percepcións.
Artigo 5º.-Compensación de melloras.
As melloras económicas que se implantan en virtude do presente convenio, así como as voluntarias que no futuro se establezan, poderán ser compensadas e absorbidas, ata onde alcancen, cos aumentos ou melloras que actualmente teñan establecidas as empresas ou que no futuro se establezan con carácter xeral, mediante disposición legal.
Capítulo II
Retribucións
Artigo 6º.-Salarios.
Os soldos e salarios correspondentes ó primeiro ano de vixencia do convenio (1/2/2000 a 31/12/2000) son os que figuran na táboa salarial anexa I, e supoñen un incremento respecto ás vixentes o 31/1/2000, do 5%.
Para o segundo ano de vixencia do convenio (1-1-2000 ó 31-12-2001) incrementarase a táboa vixente o 31-12-2000, nun 4% aplicándose, en principio, os soldos e salarios que figuran na táboa salarial anexa II, táboa que deberá ser revisada se, como se indica no artigo 7 deste convenio, relativo á revisión salarial para o primeiro ano de vixencia (1-1-2000 ó 31-12-2000), o IPC rexistra o 31 de decembro de 2000, un incremento, respecto ó 31-1-2000, superior ó 3%.
Artigo 7º.-Revisión salarial.
No caso de que o índice de prezos ó consumo (IPC) rexistrase o 31 de decembro de 2000 un incremento, respecto ó 31 de xaneiro de 2000, superior ó 2,6%, o dito exceso servirá de base para a aplicación do incremento previsto para o ano 2001.
No momento en que se coñeza o IPC citado anteriormente, procederase a cuantifica-lo exceso, calculado sobre os salarios utilizados para realiza-los aumentos pactados para o 2000, adicionándoo ós salarios vixentes o 31 de decembro de 2000 e sobre a cantidade resultante, calcularanse os incrementos
salariais que rexerán a partir do 1 de xaneiro de 2001.
Artigo 8º.-Aumentos por antigüidade.
Os aumentos periódicos por tempo de servicio ata o 31 de decembro de 2000, consistirán en cuadrienios na contía do seis por cento sobre os salarios base deste convenio.
A partir da citada data do 31-12-2000 desaparece o concepto e tratamento do complemento persoal de antigüidade, tanto nos seus aspectos normativos como retributivos.
Como consecuencia da dita eliminación, teranse en conta os seguintes compromisos:
a) Os traballadores manterán e consolidarán tan só os importes daqueles cuadrienios que tiveran devengados polo complemento persoal de antigüidade, ó 31 de decembro de 2000, polo que non se terán en conta os tramos intermedios.
b) Os importes obtidos ó abeiro do previsto na letra anterior manteranse invariables e polo tempo indefinido como un complemento retributivo ad personam, é dicir, non sufrirán modificacións en ningún sentido e por ningunha causa, extinguíndose xuntamente coa extinción do contrato de traballador.
c) O dito complemento retributivo ad personam reflectirase nos recibos oficiais de salario con denominación de antigüidade consolidada.
Artigo 9º.-Complemento de transporte.
O persoal das empresas afectadas por este convenio percibirá un complemento de transporte, que será aboado por día efectivo de traballo, na contía de 426 ptas. durante o primeiro ano de vixencia e de 435 ptas. no segundo.
Artigo 10º.-Gratificacións extraordinarias.
O persoal afectado polo presente convenio colectivo percibirá as gratificacións extraordinarias correspondentes ós meses de xullo e decembro, polo importe dunha mensualidade cada unha delas.
Establécese unha paga extraordinaria no mes de outubro, consistente nunha mensualidade. A dita paga farase efectiva no mes de outubro de cada ano, tendo en conta o que se dispón sobre a referida paga no artigo 13º do convenio.
Así mesmo, todo o persoal desfrutará unha gratificación, denominada de beneficios, polo importe mínimo dunha mensualidade completa.
As citadas pagas calcularanse en función dos soldos que para cada categoría fixa o anexo deste convenio, e maila antigüidade, se é o caso, para todo o persoal.
As catro gratificacións que se establecen serán concedidas en proporción ó tempo traballado, rateándose nos supostos que proceda, tales como os de entrada ou cesamento do traballador na empresa.
Artigo 11º.-Axudas de custo.
Cando as empresas despracen os seus traballadores para que realicen traballos fóra do lugar habitual da súa residencia, estarán obrigadas a aboar,
en concepto de axudas de custo, as cantidades seguintes:
Do 1-2-2000 ó 31-12-2000.
Xantar: 2.174.
Cea: 2.174.
Pasa-la noite: 2.174.
Almorzo: 755.
De 1-1-2001 ó 31-12-2001.
Xantar: 2.217.
Cea: 2.217.
Pasa-la noite: 2.217.
Almorzo: 770.
Se os desprazamentos se fan en coche propiedade do traballador, este percibirá desde o 1-2-2000 ó 31-12-2000 trinta e sete pesetas por quilómetro percorrido, e trinta e oito pesetas no período 1-1-2001 ó 31-1-2001.
Artigo 12º.-Gratificacións especiais ós escaparatistas.
O persoal non contratado como escaparatista, que non obstante realice con carácter normal a función da ornamentación de escaparates nos establecementos, terá dereito, en concepto de gratificación especial, a un complemento do dez por cento do seu salario base.
Capítulo III
Xornada laboral
Artigo 13º.-Condicións.
A xornada laboral será de 40 horas semanais de traballo efectivo.
No caso de que as empresas teñan necesidade de modifica-lo horario de traballo actualmente establecido, para conseguir unha maior eficacia no seu funcionamento, as partes asinantes do convenio recomendan ós afectados a súa mellor disposición para chegar a un entendemento.
As empresas quedan en liberdade para a apertura dos seus establecementos durante as tardes dos sábados de todo o ano, se ben deberán establecerse as quendas rotativas correspondentes, de tal maneira que no ano os traballadores desfruten de descanso durante dezaoito sábados pola tarde.
Con excepción de Vigo, os establecementos do resto da provincia terán a opción de poder abrir durante as tardes deses sábados, se ben, en caso de que optase polo peche durante as tardes dos sábados, non estarán obrigados a facer efectiva a paga extraordinaria de outubro.
Capítulo IV
Vacacións
Artigo 14º.-Contía.
Os traballadores afectados polo presente convenio desfrutarán de 30 días naturais de vacacións.
Artigo 15º.-Datas de desfrute.
O desfrute destes 30 días de vacacións estará abranguido entre os meses de abril a outubro, ámbo
los dous incluídos, agás que o traballador teña preferencia por outra época do ano.
Artigo 16º.-Determinación de quendas.
En cada empresa establecerase unha orde rotativa de preferencia, de tal xeito que quen un ano foi primeiro á hora de elixir quenda, pasa a se-lo último no ano seguinte.
Capítulo V
Disposicións varias
Artigo 17º.-Xubilación.
Os traballadores que no momento da xubilación leven na empresa máis de 20 anos, percibirán desta a cantidade de 253.929 pesetas; os que leven máis de 25 anos, 362.757; e os que leven máis de 30 anos, 453.441.
Artigo 18º.-Invalidez.
A todo traballador que lle sexa declarada unha situación legal de invalidez e que leve máis de 15 anos ó servicio da empresa, percibirá desta a cantidade de 72.551 pesetas; con máis de 20 anos, 99.758 pesetas; con máis de 25 anos, 154.173 pesetas; e con máis de 30 anos, 206.769 pesetas.
As ditas cantidades serán efectivas unha vez declarada oficialmente a invalidez por unha soa vez.
Artigo 19º.-Defunción.
No caso de falecemento do traballador, con polo menos un ano de pertenza á empresa, queda esta obrigada a lles satisfacer ós seus habentes dereito o importe de catro mensualidades iguais á última que o traballador percibise, incrementada con tódolos emolumentos inherentes a ela.
Artigo 20º.-Incapacidade temporal.
En caso de incapacidade temporal derivada de enfermidade ou accidente, debidamente acreditado pola Seguridade Social, do persoal abranguido no réxime de asistencia a ela, a empresa completará as prestacións obrigatorias ata o importe íntegro das súas retribucións, ata o límite de doce meses, aínda que o traballador fose substituído.
Artigo 21º.-Servicio militar.
Aplicarase o disposto no Estatuto dos traballadores.
Artigo 22º.-Roupa de traballo.
Ós traballadores que proceda proveráselles obrigatoriamente por parte da empresa, de uniformes ou outra roupa de traballo, das coñecidas e típicas para a realización das distintas e diversas actividades que o uso vén aconsellando.
A provisión de tales pezas de roupa deberá facerse ó comeza-la relación laboral entre as empresas e os traballadores en número de dúas pezas, que se reporán en anualidades sucesivas de maneira conveniente ou, polo menos, na metade delas.
Artigo 23º.-Excedencia por maternidade.
As traballadoras que, de acordo co establecido no artigo 46.3º do Estatuto dos traballadores, soliciten un período de excedencia por un tempo non superior a un ano, terán dereito á reserva do posto de traballo
e á reincorporación a el, unha vez rematado o período de excedencia, sempre que o reingreso sexa solicitado cun mes de antelación ó seu remate.
Artigo 24º.-Licencias.
Os traballadores terán dereito a unha licencia retribuída, de ata un máximo de tres días naturais ó ano, por necesidade de atender persoalmente asuntos propios que non admitan demora, téndose en conta para iso os desprazamentos que o traballador teña que realizar e as demais circunstancias que no caso concorran.
Esta licencia, demostrada a súa indubidable necesidade, concederase no acto, sen prexuízo das sancións que poidan impoñerse ó traballador que alegue causas que resulten falsas.
Igualmente, nos casos de morte ou enterro do cónxuxe, ascendentes, descendentes ou irmáns, así como enfermidade grave do cónxuxe, pais e fillos e parto da esposa, os traballadores terán dereito a unha licencia retribuída de ata cinco días naturais, téndose en conta para iso os desprazamentos que o traballador teña que realizar e as demais circunstancias que no caso concorran.
Así mesmo, o traballador terá dereito a unha licencia retribuída de dous días, sen necesidade de ser xustificada. A dita licencia non poderá ser acumulable a períodos de vacacións e deberá ser solicitada cunha antelación de 5 días, polo menos.
Esta última licencia de dous días desaparecerá automaticamente do convenio, no suposto de que se produza con carácter xeral e a nivel nacional, unha reducción da xornada.
Artigo 25º.-Contratación.
Contratos de duración determinada. A teor do disposto no artigo 15b, do texto refundido do Estatuto dos traballadores, o contrato eventual ten por obxecto atender esixencias circunstanciais do mercado, acumulación de tarefas ou exceso de pedidos, aínda tratándose da actividade normal da empresa.
Formalización do contrato. Formalizarase por escrito, consignándose con suficiente precisión e claridade a causa e as circunstancias que o motiven, e rexistrándose no Inem.
Duración e prórroga. A duración destes contratos non poderá ser inferior a 30 días, nin superior a trece meses e medio, dentro dun período de 18, contados a partir do momento do contrato inicial. Limitarase a dous o número de contratos que se realizarán, na súa duración máxima a unha mesma persoa.
No caso de que se concerte o contrato por un prazo inferior ós trece meses e medio, poderá ser prorrogado mediante acordo das partes, sen que a duración total do contrato poida exceder do dito límite máximo.
Á finalización do contrato por expiración do tempo pactado, tanto se este é eventual como por obra ou servicio determinado, o traballador percibirá, a partir do sexto mes de contrato e sen que se computen
estes 6 meses, unha indemnización económica equivalente a dous días de salario por mes traballado.
Contrato para a formación. A súa duración mínima será de 6 meses, ata un máximo de 30 meses, prorrogables de seis en seis meses. A retribución que se aboará será conforme unha retribución única que para o primeiro ano de vixencia será de 74.200 ptas. e para o segundo de 77.168 pesetas a xornada completa e efectiva de traballo.
Artigo 26º.-Recoñecemento médico.
As empresas afectadas por este convenio facilitarán ós traballadores que o soliciten, un recoñecemento médico anual a través das súa mutuas patronais, Seguridade Social ou calquera outra forma que consideren oportuna.
Artigo 27º.-Taboleiro de anuncios.
As empresas afectadas por este convenio porán ó dispor dos traballadores un taboleiro de anuncios para inseri-las comunicacións de interese para eles.
Capítulo VI
Comisión paritaria
As partes acordan nomear unha comisión paritaria composta por catro membros das dúas centrais sindicais asinantes, representantes dos traballadores e catro representantes empresariais, para a interpretación das cláusulas do convenio.
A convocatoria das reunións deberá ser realizada en casos xustificados e por escrito dirixido á outra parte, con doce días de antelación á data da reunión, detallando a orde do día. A asistencia ás ditas reunións será obrigatoria para ámbalas partes. A acta levantada será asinada no prazo de 24 horas, contado desde a realización da reunión.
Disposición derradeira
Artigo 28º.-Lexislación subsidiaria.
En todo o non previsto neste convenio será de aplicación o Estatuto dos traballadores e demais disposicións vixentes.
Disposición adicional
Primeira.-As partes asinantes deste convenio comprométense a estudiar para introducir no segundo ano de vixencia do convenio (1-1-2001 ó 31-12-2001), un protocolo de emprego, mediante o cal se estableza como obrigatoria unha porcentaxe mínima de traballadores fixos en función do cadro de persoal; a reestructura-las actuais táboas salariais, e a reflectir en convenio, nos termos que se acorden, a nova Lei de protección familiar.
Segunda.-As diferencias económicas resultantes da aplicación do incremento salarial pactado, tendo en conta os efectos retroactivos do 1 de febreiro de 2000, poderán facerse efectivos en dous prazos, pagadoiros o primeiro deles antes do 31 de decembro do ano 2000 e o segundo antes do 28 de febreiro de 2001.
Táboa salarial anexa I do convenio colectivo de traballo para o sector de comercio retallista téxtil de Pontevedra
Vixencia: do 1-2-2000 ó 31-12-2000
Categorías Salario mes
Persoal técnico titulado Persoal mercantil técnico titulado
Persoal técnico non titulado Persoal de servicios e actividades auxiliares
Persoal subalternoGrupo I
Titulado de grao superior 109.845 Titulado de grao medio 106.265 Axudante técnico sanitario 105.071
Grupo II
Director 119.395 Xefe de división 109.845 Xefe de persoal, de vendas, de compras e encargado xeral 109.845 Xefe de sucursal e supermercado 106.265 Xefe de almacén 106.265 Xefe de grupo 106.265 Xefe de sección mercantil 105.548 Encargado de establecemento, vendedor, comprador e poxador 105.548 Intérprete 99.334
Persoal mercantil propiamente dito Dependente maior 106.265 Viaxante 104.593 Corredor de praza 99.334 Dependente de 25 anos 104.111 Dependente de 22 a 25 anos 95.035 Axudante 88.355 Traballadores en formación: retribución única a xornada completa e efectiva de traballo 74.200
Grupo III
Director 119.395 Xefe de división 109.845 Xefe administrativo 107.457 Secretario 104.111 Contable 105.548 Xefe de sección administrativa 106.023
Persoal administrativo Contable, caixeiro, taquimecanógrafo 105.548 Oficial administrativo 104.111 Auxiliar administrativo 94.145 Aspirante a auxiliar administrativo 84.934 Auxiliar de caixa ata 24 anos 89.711 Auxiliar de caixa de 25 ou máis anos 95.908
Grupo IV
Xefe de sección ou servicio 106.022 Debuxante 104.078 Escaparatista 104.078 Axudante de montaxe 82.729 Delineante, visitador, rotulista 91.940 Cortador 96.713 Axudante de cortador 91.914 Xefe de taller 94.463 Profesional de oficio de 1ª 94.145 Profesional de oficio de 2ª 90.805 Profesional de oficio de 3ª 89.850 Capataz 94.145 Profesional de oficio axudante 87.300 Mozo especializado 94.145 Ascensorista, telefonista, mozo, empaquetadora, reparadora de medias e cosedora de sacos, maior de 18 anos 91.758 As mesmas categorías, con menos de 18 anos, igual que os aspirantes, segundo idade
Grupo V
Conserxe 88.695 Cobrador 88.695
Categorías Salario mes
Vixilante, sereno, ordenanza, porteiro 84.935 Persoal de limpeza 84.935 Nota: o persoal de limpeza por horas percibirá o seu salario en proporción ás horas traballadas
Táboa salarial anexa II do convenio colectivo de traballo para o sector de comercio retallista téxtil de Pontevedra
Vixencia: do 1-1-2001 ó 31-12-2001
Categorías Salario mes
Persoal técnico titulado Persoal mercantil técnico titulado
Persoal técnico non titulado Persoal de servicios e actividades auxiliares
Grupo I
Titulado de grao superior 114.239 Titulado de grao medio 110.516 Axudante técnico sanitario 109.273
Grupo II
Director 124.171 Xefe de división 114.239 Xefe de persoal, de vendas, de compras e encargado xeral 111.239 Xefe de sucursal e supermercado 110.516 Xefe de almacén 110.516 Xefe de grupo 110.516 Xefe de sección mercantil 109.770 Encargado de establecemento, vendedor, comprador e poxador 109.770 Intérprete 103.308
Persoal mercantil propiamente dito Dependente maior 110.516 Viaxante 108.777 Corredor de praza 103.308 Dependente de 25 anos 108.276 Dependente de 22 a 25 anos 98.837 Axudante 91.889 Traballadores en formación: retribución única a xornada completa e efectiva de traballo 77.168
Grupo III
Director 124.171 Xefe de división 114.239 Xefe administrativo 111.756 Secretario 108.276 Contable 109.770 Xefe de sección administrativa 110.264
Persoal administrativo Contable, caixeiro, taquimecanógrafo 109.770 Oficial administrativo 108.276 Auxiliar administrativo 97.911 Aspirante a auxiliar administrativo 88.332 Auxiliar de caixa ata 24 anos 93.299 Auxiliar de caixa de 25 ou máis anos 99.745
Grupo IV
Xefe de sección ou servicio 110.263 Debuxante 108.241 Escaparatista 108.241 Axudante de montaxe 86.038 Delineante, visitador, rotulista 95.617 Cortador 100.582 Axudante de cortador 95.590 Xefe de taller 98.241 Profesional de oficio de 1ª 97.911 Profesional de oficio de 2ª 94.438 Profesional de oficio de 3ª 93.444 Capataz 97.911 Profesional de oficio axudante 90.792 Mozo especializado 97.911 Ascensorista, telefonista, mozo, empaquetadora, reparadora de medias e cosedora de sacos, maior de 18 anos 95.429
Categorías Salario mes
Persoal subalterno
As mesmas categorías, con menos de 18 anos, igual que os aspirantes, segundo idade
Grupo V
Conserxe 92.243 Cobrador 92.243 Vixilante, sereno, ordenanza, porteiro 88.333 Persoal de limpeza 88.333 Nota: o persoal de limpeza por horas percibirá o seu salario en proporción ás horas traballadas