Aprobado provisionalmente por resolución da Dirección Xeral de Obras Públicas da Consellería de Política Territorial, Obras Públicas e Vivenda, da Xunta de Galicia, de data 5 de setembro de 2000, o estudio informativo: variantes AC-450 Bertamiráns-Negreira. Treito: variante de Ponte Maceira. Clave: AC/00/51.1, sométese ó trámite de información pública, durante un período de trinta días hábiles, a partir da publicación desde anuncio no Boletín Oficial del Estado, para o fin de que as persoas que o estimen oportuno, poidan formular por escrito ante o Servicio Provincial de Estradas da Coruña, as observacións que crean convenientes, de acordo

co establecido no artigo 15.1º da Lei 4/1994, do 14 de setembro, de estradas de Galicia, sinalándose que o citado estudio informativo se pode examinar durante o dito período, en horas hábiles de oficina, na Dirección Xeral de Obras Públicas, no Servicio Provincial de Estradas da Coruña, e nos concellos de Negreira e Ames.

Así mesmo, sométese ó trámite de información pública o estudio de impacto ambiental contido no estudio informativo, durante o prazo de trinta días hábiles, a partir da publicación deste anuncio no Diario Oficial de Galicia segundo o disposto na Lei 1/1995, do 2 de xaneiro, de protección ambiental de Galicia, no Decreto 442/1990, do 13 de setembro, de avaliación do impacto ambiental para Galicia e no Real decreto lei 9/2000, do 6 de outubro, de modificación do Real decreto lexislativo 1302/1986, do 28 de xuño, de avaliación do impacto ambiental; estando a exposición ó público para este efecto no Servicio Provincial de Estradas da Coruña e na Dirección Xeral de Obras Públicas.

Santiago de Compostela, 14 de decembro de 2000.

Gerardo Pallares Sánchez

Subdirector xeral de Estradas