A Comisión de Goberno do Concello do Grove, en sesión realizada o 27 de outubro de 2000, aprobou inicialmente o estudio de detalle 1 en San Vicente do Mar, que foi presentado para a súa aprobación ante este concello por iniciativa particular de Paulino Tilve de la Fuente E/R de Promotilve, S.L.
De conformidade co establecido no artigo 44.3º da Lei 1/1997, do 24 de marzo, do solo de Galicia, sométese a información pública o citado estudio de detalle durante un mes, contado a partir do día seguinte ó da publicación deste anuncio no Diario Oficial de Galicia. O expediente encóntrase á disposición dos interesados nas oficinas da secretaría do concello para o seu exame.
Así mesmo, efectúase por medio deste anuncio a notificación a aqueles propietarios descoñecidos de terreos afectados ou que, intentada a notificación, non se puido practicar, nos termos do artigo 42.6º da Lei 1/1997, do 24 de marzo.
O Grove, 23 de novembro de 2000.
Miguel Ángel Pérez García
Alcalde