O Pleno do Concello de Santiago de Compostela, en sesión do 28 de setembro de 2000, aprobou definitivamente do Plan especial para o desenvolvemento do equipamento administrativo en San Lázaro.

De conformidade co disposto no artigo 48.2º da Lei do solo de Galicia publicouse no BOP número 265, o día 18 de novembro de 2000, o texto íntegro da normativa aprobada definitivamente.

A aprobación definitiva do Plan especial leva consigo a declaración de utilidade pública e interese social para os efectos da expropiación forzosa dos bens e dereitos afectados.

Contra o acordo de aprobación definitiva, poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.

Santiago de Compostela, 22 de novembro de 2000.

Luís Toxo Ramallo

Concelleiro delegado de Urbanismo