A Lei 30/1992, do 26 de novembro, modificada pola Lei 4/1999, do 6 de xaneiro, de réxime xurídico das administracións públicas e do procedemento administrativo común, que ten por obxecto establece-las bases do réxime xurídico, o sistema de responsabilidade e o procedemento administrativo común de tódalas administracións públicas, introduce a informatización como elemento de apoio no procedemento, establecendo no seu artigo 45 un mandato de carácter programático coa finalidade de que por parte das administracións públicas se impulse o emprego e aplicación das técnicas e medios electrónicos, informáticos e telemáticos no desenvolvemento da súa actividade e no exercicio das súas competencias.
Así mesmo, recoñécelles ós cidadáns a facultade de relacionarse coas diferentes administracións públicas e a que exerzan os seus dereitos ante elas, utilizando a técnica e medios electrónicos, informáticos e telemáticos, e outorgándolles ós documentos e copias así realizados validez e eficacia, sempre que se cumpran os requisitos previstos na lei e se garanta a autenticidade, integridade, conservación e, se é o caso, a recepción polo interesado; así como o resto de garantías esixidas pola lei e por outras que resulten de aplicación.
Unha vez promulgada a lei, desde o ano 1992, a Xunta de Galicia comezou un camiño de modernización e axilización da Administración, que permita realiza-las súas actividades, non só baixo uns principios de seguridade, senón tamén de acordo cuns principios de eficacia, eficiencia e garantía na súa aplicación. Ó inicio do camiño da modernización administrativa, observouse inmediatamente a necesidade de utiliza-lo soporte informático e o tratamento automatizado da información, así como de abri-la posibilidade da comunicación telemática para proporcionar unha dinámica e flexibilidade ás comunicacións entre as partes, para o exercicio das funcións, actividades e actuacións de tódolos órganos administrativos. A partir desa data foise xeralizando o uso dos medios informáticos no ámbito da Administración autonómica para a xestión dos asuntos da súa competencia e produciuse un crecemento expoñencial dos procedementos que se tramitan na súa totalidade a través de medios informáticos, incluíndo
a relación cos administrados.
Por outra parte, no artigo 81 da Lei 66/1997, do 30 de decembro, de medidas fiscais administrativas e de orde social, e o Real decreto 1290/1999, do 23 de xullo, que o desenvolve, facúltase a Fábrica Nacional da Moeda e Timbre-Real Casa da Moeda para a prestación dos servicios técnicos e administrativos necesarios para garanti-la seguridade, validez e eficacia da emisión e recepción de comunicacións e documentos a través de técnicas e medios informáticos, electrónicos e telemáticos que produzan os órganos:
-Administración xeral do Estado.
-As persoas físicas e xurídicas.
-Comunidades autónomas, entidades locais e as entidades de dereito público dependentes ou vinculadas a estas, cando se formalizasen os correspondentes convenios ou acordos coa Fábrica Nacional da Moeda e Timbre.
Con base nisto, a Comunidade Autónoma de Galicia formalizou para estes efectos o correspondente convenio de colaboración coa Fábrica Nacional da Moeda e Timbre-Real Casa da Moeda con data do 16 de febreiro de 1998.
Con base en todo o anteriormente exposto, resulta ineludible seguir avanzando no campo xurídico da regulación da utilización de técnicas electrónicas, informáticas e telemáticas, determinantes para a modernización da Administración pública galega, co fin de que esta poida dar resposta ós retos que os estados modernos teñen formulados para a prestación dos servicios públicos ós cidadáns.
Un claro exemplo de administración electrónica represéntao a posibilidade de tramitar a través da Internet a presentación de partes de accidente de traballo e enfermidade profesional, a regulación do cal vén establecida na Orde do 16 de decembro de 1987 (BOE 311, do 29 de decembro), co fin de facilitar e mellora-lo traballo ás áreas de seguridade e hixiene no traballo dependentes da Dirección Xeral de Relacións Laborais, en canto á axilización nas relacións externas e internas e a calidade na súa aplicación.
En consecuencia, disponse o seguinte:
Artigo 1º.-Ámbito de aplicación do sistema de presentación telemática de partes de accidente de traballo e enfermidade profesional.
A presentación telemática, prevista na presente orde, será de aplicación ó seguinte procedemento administrativo:
CódigoDenominación
XI 826A Tramitación de partes de accidente de traballo e enfermidade profesional.
Poderanse presenta-los seguintes tipos de partes de accidente de traballo:
-Parte de accidente de traballo con baixa.
-Relación de accidentes de traballo ocorridos sen baixa médica.
-Parte de enfermidade profesional.
Artigo 2º.-Condicións xerais para a presentación telemática de partes de accidente de traballo e de enfermidade profesional.
Un.-Carácter da presentación.
As entidades xestoras ou colaboradoras e empresas autorizadas que deban realiza-la presentación dos partes de accidente de traballo e enfermidade profesional ós que se refire a presente orde, poderán, á súa elección, efectua-la citada presentación en impreso ou por vía telemática. De efectuarse a presentación en impreso, serán de aplicación as normas de presentación das ditas comunicacións actualmente en vigor.
Dous.-Requirimentos para a presentación telemática de partes de accidente de traballo e de enfermidade profesional.
A presentación telemática de partes de accidente de traballo e de enfermidade profesional estará suxeita ás seguintes condicións:
1º O presentador deberá ser unha persoa física que pertenza a unha entidade xestora ou colaboradora ou a unha empresa autorizada, o que acreditará ante a Dirección Xeral de Organización e Sistemas Informáticos co correspondente certificado expedido pola Tesourería da Seguridade Social.
2º O presentador deberá acreditar ante a Dirección Xeral de Organización e Sistemas Informáticos a representación que desempeña para a presentación telemática de partes de accidente e enfermidade profesional ante a autoridade laboral. Esta circunstancia poderase acreditar mediante:
-Poder notarial ou
-Documento (anexo I) asinado por un apoderado que acredite o solicitante do certificado dixital para a presentación dos partes. Neste último caso presentarase o poder notarial do apoderado que asina a acreditación.
3º O presentador deberá posuír unha tarxeta intelixente persoal (certificado X.509.V3) expedida pola Fábrica Nacional de Moeda e Timbre-Real Casa da Moeda (en diante FNMT). A solicitude da tarxeta intelixente persoal poderá realizarse ante a Dirección Xeral de Organización e Sistemas Informáticos da Consellería da Presidencia e Administración Pública de acordo co establecido no anexo II desta orde.
Así mesmo, os que opten por esta modalidade de presentación de partes deberán ter en conta as normas técnicas que se requiren para poder efectua-la citada presentación e que se recollen no anexo III.
Tres.-Presentación de partes de accidente de traballo e de enfermidade profesional con deficiencias de tipo formal.
Para a presentación dos partes de accidentes de traballo e enfermidade profesional será preceptiva a cobertura de tódolos epígrafes. Naqueles casos en que se detecten anomalías de tipo formal na formalización dos partes de accidente de traballo e de enfermidade profesional poranse en coñecemento do presentador polo propio sistema, mediante as correspondentes mensaxes de erro, para que proceda á súa emenda.
Artigo 3º.-Procedemento para a presentación telemática de partes de accidente de traballo e de enfermidade profesional.
Para a presentación telemática de partes habilitaranse dous procedementos alternativos. Un que permite a presentación mediante o envío de ficheiros e un segundo procedemento que permite a introducción directa de partes individualmente a través das pantallas habilitadas para o efecto.
A) Procedemento para a presentación telemática de partes de accidente de traballo e de enfermidade profesional mediante o envío de ficheiros.
Un.-O presentador xerará un ficheiro por cada tipo de parte que debe comunicar á autoridade laboral, coa estructura definida no anexo IV que conteña os datos dos partes de accidente de traballo con baixa, relación de accidentes de traballo ocorridos sen baixa médica e partes de enfermidade profesional.
Dous.-O titular da tarxeta conectarase vía Internet á web da Xunta de Galicia, http://www.xunta.es, na páxina habilitada para a presentación dos partes e identificarase introducindo a tarxeta intelixente. O sistema validará a clave de acceso que deberá introduci-lo presentador e comprobará que se trata dunha persoa con permisos para a presentación telemática de partes de accidente de traballo e de enfermidade profesional.
Tres.-O presentador deberá confirma-la transmisión do ficheiro/s. Desta forma, realizarase a carga da información no sistema de tramitación da Xunta de Galicia gardándose copia asinada polo titular da tarxeta dos datos remitidos.
Catro.-Realizarase unha anotación no rexistro de entrada para cada un dos partes presentados. Esa anotación terá validez para efectos do previsto no parágrafo 2º do artigo 4 da Orde do 16 de decembro de 1987, pola que se establecen modelos para a notificación de accidentes de traballo e se dictan instruccións para a súa formalización e tramitación.
Cinco.-Xerarase información dos expedientes iniciados, así como das posibles deficiencias ou erros producidos durante o proceso de presentación. Esta información poderá ser consultada polo presentador.
B) Procedemento para a presentación telemática de partes de accidente de traballo e de enfermidade profesional mediante a introducción dos datos na pantalla habilitada para tal efecto.
Un.-O titular da tarxeta conectarase vía Internet á web da Xunta de Galicia, http://www.xunta.es, na páxina habilitada para a presentación dos partes e identificarase introducindo a tarxeta intelixente. O sistema validará a clave de acceso que deberá introduci-lo presentador e comprobará que se trata dunha persoa con permisos para a presentación telemática de partes de accidente de traballo e de enfermidade profesional.
Dous.-Seleccionarase o tipo de parte que se vai presentar e o sistema mostrará a pantalla de captura de información habilitada para recolle-los datos que se deben introducir.
Tres.Realizarase unha anotación no rexistro de entrada para cada un dos partes presentados. Esa anotación terá validez para efectos do previsto no parágrafo 2º do artigo 4 da Orde do 16 de decembro de 1987, pola que se establecen modelos para a notificación de accidentes de traballo e se dictan instruccións para a súa formalización e tramitación.
Catro.-O sistema realizará as comprobacións oportunas dos datos introducidos, mostrando ó presentador os erros producidos ou o número de expediente asignado se se completa o proceso.
Artigo 4º.-Prazo de presentación telemática de partes de accidente de traballo e enfermidade profesional.
Para a presentación dos partes de accidente de traballo e enfermidade profesional por vía telemática, serán de aplicación os prazos que estableza a norma en vigor para a presentación impresa.
Disposición adicional
Primeira.-Validez das tarxetas intelixentes expedidas pola FNMT.
As tarxetas expedidas pola FNMT serán válidas para efectos da presentación telemática de partes de accidente de traballo e enfermidade profesional de acordo coas normas en vigor dictadas pola FNMT.
Disposición derradeira
A presente orde entrará en vigor ó día seguinte ó da súa publicación no DOG.
Santiago de Compostela, 4 de decembro de 2000.
Jaime Pita VarelaAntonio Pillado Montero
Conselleiro da PresidenciaConselleiro de Xustiza, Interior
e Administración Públicae Relacións Laborais
ANEXO I
Documento que acredita a representación para a presentación telemática de partes de accidente de traballo e enfermidade profesional ante a Xunta de Galicia.
D./Dª... con NIF..., con domicilio en..., número..., localidade..., código postal... provincia... como (1)... de (2)... en virtude de poder notarial (3) outorgado o día... ante o notario de... D..., co número de pro
tocolo... inscrito no Rexistro Mercantil de... no tomo..., folio..., folla nº..., inscrición...
Acredito a
D./Dª... con NIF..., con domicilio en..., número..., localidade..., código postal... provincia... como (4)... de (5)...
Para que en nome de... presente telematicamente os partes de accidente de traballo e enfermidade profesional ante a Xunta de Galicia utilizando certificados dixitais da Fábrica Nacional de Moeda e Timbre e os sistemas informáticos que a Xunta de Galicia dispoña para tal efecto.
Esta acreditación terá validez mentres esta non se revogue ante a Dirección Xeral de Organización e Sistemas Informáticos da Xunta de Galicia.
..., ... de... de....
Sinatura do titular do certificado
Sinatura do apoderado que o acredita
(1) (4) Cargo que ocupa
(2) (5) Nome da empresa
(3) Xúntase copia da escritura do poder notarial
ANEXO II
Condicións de utilización dos sistemas electrónicos, informáticos e telemáticos para a obtención de certificados expedidos pola Fábrica Nacional de Moeda e Timbre-Real Casa da Moeda.
Aspectos xerais.
1. A Dirección Xeral de Organización e Sistemas Informáticos da Consellería da Presidencia e Administración Pública procederá a tramita-la solicitude de rexistro para o acceso a servicios de certificación a tódolos interesados que acepten as presentes condicións de utilización, así como as condicións de utilización dos sistemas electrónicos, informáticos e telemáticos para a obtención de certificados clase 1 CA que vai expedi-la Fábrica Nacional de Moeda e Timbre-Real Casa da Moeda que figuran na solicitude de rexistro.
2. Os solicitantes de certificados deberán ser persoas físicas, maiores de idade e en posesión dun NIF. Tratándose de estranxeiros, o número de identificación de estranxeiros, o do seu pasaporte ou o da súa tarxeta de residencia. Estes solicitantes deberán actuar en nome propio.
3. A expedición de certificados e a anotación no rexistro correspondente pola FNMT-CM outorgarállas ós interesados a condición de titulares dos sistemas de comunicación a través de técnicas e medios electrónicos, informáticos e telemáticos.
Características dos certificados.
O certificado a expedir pola FNMT-RCM baséase, en canto ó seu formato, na versión 3 da recomendación X.509 do ITU-T (International Telecomuni
cations Union-Telecomunication). Este certificado contén, entre outros, os seguintes campos:
a) Datos de identificación do signatario: nome, apelidos e NIF.
b) Número de serie do certificado.
c) Data de concesión do certificado.
d) Data de expiración do certificado.
e) Clave pública do titular do certificado.
f) Sinatura electrónica da Fábrica Nacional de Moeda e Timbre-Real Casa da Moeda.
Este conxunto de datos, xunto coa clave privada almacenada no soporte do certificado (tarxeta), permite garantir que, utilizados para funcións de obtención de sinaturas electrónicas e cifrado, as comunicacións realízanse con autenticidade, confidencialidade, integridade e non repudio en orixe das mensaxes intercambiadas.
5. A emisión e sinatura do certificado de identidade do signatario será realizado pola Fábrica Nacional de Moeda e Timbre-Real Casa da Moeda, coa seguinte formulación: FNMT Clase 1 CA.
Documentación que hai que presentar.
O interesado deberá comparecer provisto do DNI na Dirección Xeral de Organización e Sistemas Informáticos da Consellería da Presidencia e Administración Pública para o seu rexistro ante as persoas autorizadas pola Fábrica Nacional de Moeda e Timbre-Real Casa da Moeda.
ANEXO III
Normas técnicas de presentación telemática de partes de accidente de traballo e enfermidade profesional.
Os presentadores que opten por esta modalidade de comunicación de partes deberán cumpri-los seguintes requisitos:
1º Requisitos de software para realiza-lo envío:
O equipo informático do presentador deberá ter instalado algún dos seguintes navegadores sobre as plataformas de sistemas operativos que se indican:
-Navegador Netscape Navigator, versións 4.01, 4.04, 4.05, 4.07, 4.08, 4.5 e 4.7, que actúe sobre os sistemas operativos Microsoft Windows 95/98 ou Microsoft Windows NT 4.0.
-Navegador Microsoft Internet Explorer, versións 3.02, 4.0, 4.01 e 5.0, que actúe sobre os sistemas operativos Microsoft Windows 95/98 ou Microsoft Windows NT 4.0.
Software de criptografía e sinatura dixital proporcionado pola Fábrica Nacional de Moeda e Timbre-Real Casa da Moeda no momento de expedición da tarxeta.
2º Requirimentos hardware mínimos:
-Un ordenador compatible PC con procesador Intel 486 ou compatible.
-16 MB de memoria RAM.
-34 MB libres en disco duro para as aplicacións.
-8 MB libres no directorio Windows, para arquivos de sistema.
-Monitor con resolución de 800 por 600, con alomenos 256 cores.
-Un porto serie libre de tipo macho de 9 pins, ou conector femia de 9 ou 25 pins con adaptador.
-Un conector de tipo PS/2.
-Un lector de tarxetas.
-Conexión a Internet, con acceso a través dos portos 389 e 709
Durante o proceso de transmisión desencadearanse as seguintes secuencias que serán posibles sempre que o equipo informático do transmisor cumpra os requisitos descritos anteriormente e a configuración do navegador permita a execución de Javascript, applets de Java, cookies e, ademais, que se concedan as autorizacións que se soliciten:
-Autenticación dos equipos do presentador e do receptor dos partes de accidentes de traballo e enfermidade profesional que se conectan mediante a utilización de certificados de usuario e de servidor, respectivamente, nos dous extremos, seguindo os estándares establecidos pola Fábrica Nacional de Moeda e Timbre-Real Casa da Moeda, como órgano de certificación, e incluídos nos certificados e software proporcionados por este organismo.
-Cifrado da información que se transmita en ámbolos sentidos cunha clave simétrica xerada para a sesión.
ANEXO IV
Tramitación electrónica de partes de accidente de traballo e enfermidade profesional a través da Internet mediante o envío de ficheiros.
Para a presentación dos partes de accidente de traballo a través de Internet mediante o envío de ficheiros xerarase un ficheiro por cada tipo de parte co formato que se especifica en cada caso e o nome que se indica a continuación:
Tipo de parte Nome do ficheiro
ocorridos sen baixa médicaParte de accidentes con baixa Con baixa.txt
Relación de accidentes de traballo
Sen baixa.txt
Parte de enfermidade profesional E profesional.txt
Utilizarase como delimitador entre os campos o carácter «|». En cada un dos ficheiros tódalas liñas terán o mesmo número de separadores.
Cada un dos ficheiros validarase on-line na propia páxina Web antes de ser enviado á Xunta de Galicia. As liñas que non se axusten gravaranse nun ficheiro e indicarase no último campo o motivo do rexeitamento. A función de validación xerará un ficheiro
para cada tipo de parte co nome que se indica a continuación:
Tipo de parte Nome do ficheiro de erros
ocorridos sen baixa médicaParte de accidentes con baixa ab .txt.err
Relación de accidentes de traballo
as .txt.err
Parte de enfermidade profesional ep .txt.err
A función de validación comprobará que tódolos campos están cubertos e se axustan ó formato especificado.
O campo «código de provincia que tramitará o parte» terá o valor correspondente á provincia do centro de traballo do traballador.
Os códigos de provincia e municipio deben ter formato INE.
Formato do fecheiro para a presentación telemática de partes de accidente de traballo con baixa.
Nº de campo Descrición
1 Entidades xestoras ou colaboradoras e empresas autorizadas
2 Código de provincia que tramitará o parte
3 Tipo de DNI
4 DNI do traballador
5 NSS do traballador
6 Tipo parte
7 Nome do traballador
8 Primeiro apelido do traballador
9 Segundo apelido do traballador
10 Data de nacemento do traballador
11 Sexo do traballador
12 Domicilio do traballador
13 Provincia do traballador
14 Municipio do traballador
15 Teléfono do traballador
16 Data de ingreso na empresa
17 Número de libro de matrícula
18 Grupo de cotización á SS
19 Ocupación
20 Antigüidade
21 Tipo de contrato
22 Prima: División
23 Epígrafe
24 Réxime da Seguridade Social
25 Convenio/ordenanza
26 CIF ou NIF da empresa
27 Número de SS da empresa
28 Nome ou razón social
29 Enderezo da empresa
30 Teléfono da empresa
31 Provincia da empresa
32 Municipio da empresa
33 Cadro de persoal
34 Número de SS do centro
35 Enderezo do centro
Nº de campo Descrición
36 Provincia do centro de traballo
37 Municipio do centro
38 Teléfono do centro
39 Nº documento asociación
40 Actividade económica do centro
41 Data do accidente
42 ¿Traballo habitual?
43 Lugar accidente
44 Provincia do accidente
45 Municipio do accidente
46 Outro lugar
47 Data baixa médica
48 Hora de traballo
49 Hora do día
50 Día da semana
51 Descrición do accidente
52 Testemuña
53 Forma na que se produce
54 Aparato ou axente causante
55 Descrición da lesión
56 Grao da lesión
57 Parte do corpo lesionada
58 Tipo de establecemento de asistencia
59 Base de cotización mensual no mes anterior
60 Base de cotización mensual (Días cotizados)
61 Base de cotización anual (Por horas extras)
62 Base de cotización anual (Outros conceptos)
Formato do ficheiro para a presentación telemática de partes de accidente de traballo con baixa.
Nº de campo Descrición
1 Entidades xestoras ou colaboradoras e empresas autorizadas
2 Código de provincia que tramitará o parte
3 Mes do parte
4 Ano do parte
5 CIF ou NIF da empresa
6 Número de SS da empresa
7 Nome ou razón social
8 Cadro de persoal
9 Número de SS do centro
10 Provincia do centro
11 Actividade económica do centro
12 NSS do traballador
13 Primeiro apelido do traballador
14 Segundo apelido do traballador
15 Nome do traballador
16 Sexo do traballador
17 Data do accidente
18 Forma do accidente
Formato do ficheiro para a presentación telemática de partes de enfermidade profesional.
Nº de campo Descrición
1 Entidades xestoras ou colaboradoras e empresas autorizadas
2 Código de provincia que tramitará o parte
3 Tipo de DNI
4 DNI do traballador
5 NSS do traballador
6 Data do diagnóstico
7 ¿Causou baixa?
8 Nº de documento asociado
9 Nº de libro de rexistro
10 Primeiro apelido do traballador
11 Segundo apelido do traballador
12 Nome do traballador
13 Número de libro
14 Data de ingreso na empresa
15 Sexo do traballador
16 Estado civil
17 Data de nacemento do traballador
18 Oficio
19 Categoría profesional
20 Número de horas
21 Tempo no posto de traballo
22 Domicilio do traballador
23 Provincia do traballador
24 Municipio do traballador
25 Convenio/ordenanza
26 Lugar de nacemento
27 Traballo que realizaba no momento do diagnóstico
28 Traballo que realizaba anteriormente
29 Número de SS da empresa
30 Nome ou razón social
31 Cadro de persoal
32 Actividade da empresa
33 Enderezo da empresa
34 Teléfono da empresa
35 Provincia da empresa
36 Municipio da empresa
37 Localización
38 Teléfono do centro
39 Provincia do centro de traballo
40 Municipio do centro de traballo
41 Razón social empresa 1
42 Razón social empresa 2
43 Razón social empresa 3
44 Enderezo empresa 1
45 Enderezo empresa 2
46 Enderezo empresa 3
47 Data de alta en empresa 1
48 Data de alta en empresa 2
49 Data de alta en empresa 3
Nº de campo Descrición
50 Data de baixa en empresa 1
51 Data de baixa en empresa 2
52 Data de baixa en empresa 3
53 Actividade económica empresa 1
54 Actividade económica empresa 2
55 Actividade económica empresa 3
56 Tipo de parte
57 Clase de enfermidade
58 Descrición do traballo causante da enfermidade
59 Tempo exposto ó risco
60 ¿Ten cartilla?
61 Data recoñecemento previo
62 Data recoñecemento último
63 Diagnóstico
64 Descrición da enfermidade
65 Grao da enfermidade
66 Carácter do diagnóstico