Para cumprir co disposto no artigo 70.2º da Lei reguladora das bases do réxime local e 48 da Lei 1/1997, do 24 de marzo, do solo de Galicia, faise pública a aprobación definitiva da modificación puntual do Plan Xeral de Ordenación Municipal que, co quórum que esixe o artigo 47.3º i) da Lei de bases de réxime local e 215.2º i) da Lei de Admi
nistración local de Galicia, acordou o Pleno do Concello na súa sesión do 22-11-2000; a continuación recóllese a parte dispositiva do acordo que se adoptou:
Primeiro.-Aprobar con carácter definitivo a modificación do PXOM de Verín, segundo consta no documento final que dela presenta o equipo redactor Hábitat 6, abranguendo esta aprobación definitiva tódolos documentos, previsións e manifestacións que no referido documento final figuran.
Segundo.-Publica-la aprobación definitiva da modificación do PXOM de Verín no Diario Oficial de Galicia e no BOP, inserindo neste último integramente o texto das modificacións na normativa e ordenanzas do PXOM.
Terceiro.-Cumpri-las restantes previsións que establece o artigo 48 da Lei do solo de Galicia para que a aprobación definitiva da modificación do PXOM que se acorda sexa plenamente efectiva e eficaz.
Cuarto.-Resolver todas e cada unha das alegacións que se presentaron trala aprobación inicial da modificación do PXOM, no sentido que se indicará e polos motivos recollidos nos informes do equipo redactor e, se é o caso, do secretario do concello, asumindo estre Pleno integramete a resolución que para cada alegación propón o equipo redactor, polo que se notificará este acordo a todos e cada un dos alegantes e se achegará a cada notificación copia cotexada dos informes do equipo redactor e da secretaría, quedando á disposición dos alegantes e do resto dos veciños un exemplar de tódolos documentos que integran o PXOM para que poidan obte-la información e a documentación que precisen.
a) Alegación nº 1, de Vicente López Rojas; nº rexistro de entrada 8181:
Rexéitase polos motivos contidos no informe do equipo redactor.
b) Alegación nº 2 de Vicente López Rojas; nº rexistro de entrada 8182:
Estímase parcialmente, nos termos e polos motivos recollidos no informe do equipo redactor.
c) Alegación nº 3, de Guadalupe, Justa e Mª del Patrocinio Moreno Romero; nº rexistro de entrada 8268:
Rexéitase polos motivos recollidos no informe do equipo redactor e na consideración xurídica 3ª do informe de secretaría do 18-9-2000.
d) Alegación nº 4, de Carlos Moreno Romero; número de rexistro de entrada 8273:
Rexéitase polos motivos recollidos no informe do equipo redactor e na consideración xurídica 3ª do informe de secretaría do 18-9-2000.
e) Alegación nº 5, de Alberte Blanco Casal; número de rexistro de entrada 8275:
Rexéitase no relativo á revisión do PXOM polos motivos sinalados no informe do equipo redactor.
Rexéitase a alegación ó artigo 59.3º polos motivos sinalados no informe do equipo redactor.
Na alegación ós artigos 130.3º h) e 132.3º, rexéitase polos motivos sinalados no informe do equipo redactor, aínda que se rectifica o erro relativo á pista forestal de Queirugás, pasándoa á categoría 6.
Estímase en parte a alegación ó artigo 104.3º, aínda que se recolle nos termos propostos na alegación nº 6, presentada por Juan Manuel Jiménez Morán.
f) Alegación nº 6, de Juan Manuel Jiménez Morán; número de rexistro de entrada 8318:
Estímase, engadindo que o mantemento das zonas dotacionais privadas será por conta da comunidade veciñal e que, así mesmo, esta franxa de solo figurará na división horizontal de obra nova como dotacional privado propiedade da comunidade de veciños.
Verín, 4 de decembro de 2000.
Juan Manuel Jiménez Morán
Alcalde