A Delegación Provincial do Instituto Galego da Vivenda e Solo de Lugo tramitou expediente sancionador 47/2000, seguido en virtude de denuncia
formulada por María Laura Díaz Sánchez, contra a promotora inmobiliaria Carril Flores, S.L., finalizando este trámite con acordo de inicio de expediente sancionador por non realiza-las obras necesarias para emenda-las deficiencias denunciadas.
O citado acordo é do seguinte teor:
Acordo de inicio de expediente sancionador 47/2000.
Vista a denuncia presentada por Mª Laura Díaz Sánchez, como propietaria da vivenda 1º D do edificio nº 36 da rúa Carril das Flores de Lugo, e logo das actuacións previas practicadas, de acordo cos seguintes feitos:
Primeiro.-Con data do 1 de xuño de 2000, Mª Laura Díaz Sánchez formula denuncia perante esta delegación do Instituto Galego da Vivenda e Solo, sobre adxudicación ilegal do rocho nº 17 do inmoble citado en lugar do nº 16 que figura en escritura de compravenda.
Segundo.-Consecuentemente coa denuncia formulada, abríronse dilixencias previas baixo o número 302/2000, que finalizaron con requirimento á promotora inmobiliaria Carril Flores, S.L., para que lle repuxera á denunciante o rocho nº 16 que se lle vendeu en lugar do número 17 que lle foi adxudicado.
Terceiro.-Con data do 10 de agosto de 2000, David Lázare Rodríguez, na súa calidade de administrador da compañía mercantil Carril Flores, S.L., presenta alegacións nas que manifesta que a denunciante era coñecedora das circunstancias denunciadas e que o requirimento é de imposible cumprimento, dado que o rocho nº 17 foi transmitido a outro adquirente e non existe ningún outro rocho na dita promoción.
Cuarto.-Examinado o expediente e as alegacións presentadas, con data do 3 de outubro de 2000, remíteselle comunicación ó denunciado na que se lle concede un prazo de 15 días para adecua-la vivenda e os anexos ó contido do contrato de compravenda.
Quinto.-No hai constancia nesta delegación provincial do Instituto Galego da Vivenda e Solo de que a empresa denunciada atendera o dito requirimento.
Fundamentos de dereito.
1. É competente para a resolución deste expediente o delegado provincial do Instituto Galego da Vivenda e Solo de Lugo, de acordo co disposto no Decreto 134/1997, do 22 de maio.
2. Ó amparo do disposto no artigo 3.2º do Regulamento do procedemento para o exercicio da potestade sancionadora, Real decreto 1398/1993, do 4 de agosto, os interesados teñen dereito a formular alegacións e a achegar tódolos documentos que consideren convenientes en calquera momento do procedemento con anterioridade ó trámite de audiencia.
Poderán, así mesmo, recoñecer voluntariamente a súa responsabilidade conforme o establecido no artigo 8 do citado regulamento.
3. En particular, e segundo o artigo 16.1º do Regulamento do procedemento, os interesados dispoñen dun prazo de 15 días, contados desde a notificación deste acordo para achega-los documentos ou informacións que coiden convenientes e propoñer probas, concretando os medios dos que pretendan valerse.
4. Os feitos indicados poden ser constitutivos de infracción administrativa tipificada no punto e, 6 da Lei 13/1996, do 30 de decembro, sobre infraccións en materia de vivenda, da que aparece como presunta responsable a promotora inmobiliaria Carril Flores, S.L., podendo corresponder una sanción de 500.001 pesetas e inhabilitación para participar en promocións de vivendas de protección oficial durante o prazo máximo de 6 anos, sen prexuízo do que resulta da tramitación deste procedemento.
5. De acordo co artigo 153 da Lei 30/1992 do 26 de novembro, de réxime xurídico das administracións públicas e do procedemento administrativo común, o presunto responsable ten dereito a coñecer, entre outros extremos, o instructor do procedemento sancionador, dereito que o artigo 13.1º do Regulamento do procedemento estende ó coñecemento do secretario, sendo o seu réxime de recusación o recollido nos artigos 28 e 29 da dita lei.
Vístos os preceptos sinalados e os demais de aplicación xeral, esta delegación
ACORDA:
1. Incoa-lo procedemento administrativo sancionador contra a promotora Carril Flores, S.L., como presunta responsable dos feitos sinalados.
2. Nomear instructor do expediente a Francisco Centeno Márquez, xefe da Sección de Inspección e Sancións do Instituto Galego da Vivenda e Solo, e como secretario a Ángel Negrete Rico, inspector da Sección de Inspección e Sancións do Instituto Galego da Vivenda e Solo de Lugo.
3. Conceder un prazo de quince días para que os interesados acheguen cantas alegacións, documentos e informacións estimen convenientes, e, de se-lo caso, propoñer proba concretando os medios dos que pretendan valerse.
Comuníquese este acordo ó órgano instructor con traslado de tódalas actuacións practicadas, e notifíqueselles ós interesados, entendendo, en todo caso, como tal o inculpado, con mención expresa dos requisitos esixidos polo artigo 58.2º da Lei de réxime xurídico das administracións públicas e do procedemento administrativo común.
Lugo, 30 de outubro de 2000.
Antonio Boné Piña
Delegado provincial de Lugo