Aprobados inicialmente pola Comisión de Goberno, en sesión do 9 de novembro de 2000, os pregos de cláusulas económico-administrativas que rexerán o concurso público urxente e procedemento aberto para a contratación da obra de pavimentación de vías e accesos a núcleos de poboación ano 2000, expoñense ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas. Poa súa banda convócase licitación pública para a adxudicación da citada contratación, que quedaría aprazada no suposto de presentarse reclamacións ó prego, continuándose o que reste, a partir do día seguinte ó da resolución das reclamacións.

Obxecto: é a adxudicación, mediante concurso polo procedemento aberto, do contrato da obras de pavimentación de vías e accesos a núcleos de poboación ano 2000.

Tipo de licitación: é de 14.461.860 pesetas.

Prazo de execución: tres meses.

Garantías: a provisional establécese en 289.237 pesetas, e a definitiva igual ó 4% do improte da adxudicación.

Presentación de proposicións: presentaranse na secretaría do concello, das 9 ás 13 horas, durante o prazo de 13 día naturais, contados desde o día seguinte ó da publicación deste anuncio no BOP. Cando se presente algunha proposición económica por procedemento administrativo, o licitador deberá comunicalo inescusablemente, anunciándoo por fax ó concello, dentro do prazo de presentación.

Apertura de plicas: terá lugar ás nove horas do primeiro día hábil seguinte a aquel en que termine o prazo de presentación de proposicións. Se este fose sábado, terá lugar o primeiro día hábil seguinte.

Criterios de adxudicación: serán os fixados na correspondente cláusula do prego de condicións.

Modelo de proposición: o recollido na correspondente cláusula do prego. Os licitadores presentarán simultaneamente coa proposición e en sobre á parte e pechado os documentos que se indican na referida cláusula.

Gastos: serán por conta da empresa adxudicataria os gastos dos anuncios así como tódolos derivados do contrato.

Vila de Cruces, 10 de novembro de 2000.

O alcalde-presidente

Rubricado