Eu, Ramón Fernández Agra, secretario do Xulgado da Audiencia Provincial da Coruña, sección sexta con sede en Santiago de Compostela, dou fe e testemuño de que no rolo de apleción de xuízo de faltas nº 189/2000 se dictou sentencia, cun encabezamento e parte dispositiva que literalmente din:
En Santiago de Compostela, 31 de outubro de 2000.
Visto pola sección sexta da Audiencia Provincial da Coruña, constituída como tribunal unipersoal por Ángel Pantín Reigada, presidente desta, o recurso de apelación interposto por Carmen Barco Mateo contra a sentencia dictada o 15 de abril de 2000 polo Xulgado de Primeira Instancia e Instrucción número cinco de Santiago de Compostela nos autos de xuízo de faltas número 354/1999 deste xulgado e rexistrados como rolo de apelación de xuízo de faltas número 189/2000 desta sección, nos que son parte, como apelante Carmen Barco Mateo e como apelados Manuel Suárez García, José Luis Peón Barco e o Ministerio Fiscal; procede formula-los seguin
tes antecedentes de feito, feitos probados, fundamentos de dereito e sentencia.
Que desestimando o recurso de apelación interposto por Carmen Barco Mateo fronte á sentencia do 15 de abril de 2000 dictada polo Xulgado de Primeira Instancia e Instrucción número cinco de Santiago de Compostela nos autos de xuízo de faltas deste xulgado número 354/1999, confírmase esta, declarándose de oficio as custas da apelación.
Notifíqueselles esta sentencia, en legal forma, ás partes, facéndolles saber, conforme preceptúa o artigo 248-4º da Lei orgánica do poder xudicial, que é firme, e que contra ela non cabe recurso ningún.
Devólvanse as actuacións orixinais con testemuño da presente resolución ó xulgado de procedencia para a súa execución e cumprimento.
Así, por esta miña sentencia, da que se porá certificación literal no rolo da súa razón, incluíndose o orixinal no libro de sentencias, definitivamente xulgando nesta instancia, pronúncioo, mándoo e asínoo.
E para que conste e sirva de notificación de sentencia a José Luis Peón Barco, actualmente descoñecido no seu enderezo e para a súa publicación no Diario Oficial de Galicia, expido este edicto en Santiago de Compostela o quince de novembro de dous mil.
O secretario
Rubricado