Por decreto da alcaldía do día 8-11-2000, foi aprobado o prego de cláusulas administrativas particulares para a contratación, mediante concurso con procedemento aberto urxente, para a obra: supresión de barreiras urbanísticas e arquitectónicas no Concello de Carballo, 1ª fase e reformado I, o cal se expón ó público polo prazo de oito días contados a partir do seguinte ó da inserción do último anuncio no DOG, no BOP ou prensa, para que poidan presentarse reclamacións.
Simultaneamente, anúnciase concurso público, aínda que a licitación se aprazase, cando resulte necesario, no suposto de que se formulen reclamacións contra o prego de condicións.
Tipo de licitación: 18.096.000 pesetas equivalentes a 108.759,15 euros.
Prazo da obra: oito meses (8).
Fianza provisional: 361.920 pesetas.
Fianza definitiva: 4% do orzamento do contrato.
Apertura de plicas: a apertura de plicas terá lugar na casa do concello ás 12 horas do terceiro día seguinte hábil a aquel en que remate o prazo de presentación de propostas, salvo si é sábado, caso no que se trasladará ó luns seguinte.
Proposicións:
Lugar e prazo de presentación: presentaranse no rexistro xeral da corporación das 9 ás 14 horas, dentro do prazo dos trece (13) días naturais contados desde o día seguinte ó da última publicación.
Documentación: presentarase en 3 sobres pechados conforme se indica no prego de condicións que se encontra exposto na secretaría do concello.
Tódolos anuncios serán por conta do adxudicatario.
Carballo, 9 de novembro de 2000.
Manuel Varela Rey
Alcalde