Antecedentes.
1º O Instituto Galego da Vivenda e Solo remitiu o expediente de expropiación forzosa polo procedemento de taxación conxunta dos bens e dereitos necesarios para a execución do poligono único do Plan Parcial de Ordenación do SUNP-3 As Cancelas-Mallou do PXOU de Santiago de Compostela, de conformidade co disposto polo artigo 145 da Lei 1/1997, do 24 de marzo, do solo de Galicia (LSG).
2º Por resolución do director xeral do Instituto Galego da Vivenda e Solo do 2 de febreiro de 1999 foi aprobada definitivamente a relación de bens e dereitos e a necesidade da súa ocupación, así como segui-la expropiación polo sistema de taxación conxunta de conformidade co artigo 144 da LSG.
3º O Instituto Galego da Vivenda e Solo, con data do 8 de febreiro de 2000, acordou someter a información pública o proxecto de taxación conxunta polo prazo dun mes, anunciándose no xornal El Correo Gallego, de data 10 de marzo de 2000, e no Diario Oficial de Galicia, de data 18 de febreiro de 2000.
4º A taxación foi notificada individualmente ós que aparecían como titulares de bens e dereitos no expediente, dándolles traslado literal da correspondente folla de aprezo e da proposta de fixación dos criterios de valoración, para que formularan alegacións no prazo dun mes, contado a partir da data de notificación, tal e como sinala o artigo 145.4º da Lei do solo de Galicia.
5º O Instituto Galego da Vivenda e Solo dictou resolución o 8 de novembro de 2000 pola que se aprobou o informe sobre as alegacións presentadas polos interesados, e acordou a remisión do expediente de expropiación forzosa a esta consellería para a súa aprobación definitiva.
Fundamentos xurídicos.
Primeiro.-O proxecto de expropiación forzosa tramitouse polo procedemento de taxación conxunta de conformidade co disposto no artigo 145 da Lei do solo de Galicia.
Segundo.-O proxecto de expropiación abarca a superficie correspondente ó Plan Parcial de Ordenación do SUNP-3 As Cancelas-Mallou no termo municipal do Concello de Santiago de Compostela, aprobado definitivamente polo Pleno da Corporación en sesión celebrada o 3 de xullo de 1998, no que se determina como sistema de actuación o de expropiación.
En virtude do disposto polos artigos 33 da Lei 6/1998, do 13 de abril, sobre réxime do solo e valoracións, e os artigos 54, en relación co 124 e 145, da Lei 1/1997, do 24 de marzo, do solo de Galicia, a dita aprobación implica a declaración de utilidade pública das obras e a necesidade de ocupación dos terreos incluídos no ámbito dos polígonos, resultando lexitimada a expropiación proposta.
Terceiro.-O expediente tramitado conta coa documentación preceptiva esixida polo artigo 145.1º da Lei 1/1997, do solo de Galicia:
-Determinación do seu ámbito territorial, cos documentos que o identifican en canto á situación, superficie e lindeiros.
-Fixación de prezos coa valoración razoada do solo, segundo a súa cualificación urbanística.
-Follas de prezo xusto individualizado de cada predio.
-Follas de prezo xusto que corresponden a outras indemnizacións, se é o caso.
Cuarto.-Os criterios de valoración fixados no proxecto de expropiación axústanse ós establecidos polos artigos 23 e seguintes da Lei 6/1998, sobre réxime do solo e valoracións.
Quinto.-A competencia para aproba-lo expediente de expropiación forzosa polo procedemento de taxación conxunta correspóndelle por delegación ó director xeral de Urbanismo, de acordo co artigo 1 da Orde do 30 de decembro de 1999, do conselleiro de Política Territorial, Obras Públicas e Vivenda (DOG do 10 de xaneiro de 2000) pola que se delegan atribucións en materia de urbanismo.
Na súa virtude, vista a Lei 1/1997, do 24 de marzo, do solo de Galicia, a Lei 6/1998, do 13 de abril, sobre réxime do solo e valoracións, e as demais disposicións aplicables, proponse adopta-la seguinte
RESOLUCIÓN:
Primeiro.-Aprobar definitivamente o proxecto de expropiación forzosa polo procedemento de taxación conxunta dos bens e dereitos necesarios para a execución do polígono único do Plan Parcial de Ordenación do SUNP-3 As Cancelas-Mallou do PXOU de Santiago de Compostela, para os efectos previstos polos artigos 145 e 146 da Lei 1/1997, do 24 de marzo, do solo de Galicia, con estimación ou desestimación das alegacións nos termos que aparecen nos informes da súa contestación que constan no expediente.
Esta aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación de conformidade co establecido no artigo 146.1º da Lei do solo de Galicia.
En consecuencia, o pagamento ou depósito do importe da valoración establecida producirá os efec
tos previstos nos núms. 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación de prezo xusto (artigo 146.2º da Lei do solo de Galicia).
Segundo.-Notifica-lo contido desta resolución aprobatoria do expediente ó Instituto Galego da Vivenda e Solo e de xeito individualizado a tódolos que aparezan como titulares de bens ou dereitos afectados que figuran no expediente, ós que se lles xuntará a correspondente folla de valoración, conferíndolles un prazo de vinte días durante o cal poderán manifestar por escrito ante esta Dirección Xeral de Urbanismo a súa desconformidade coa valoración establecida no expediente aprobado, conforme dispón o artigo 145.7º da Lei do solo de Galicia, advertíndolles que transcorrido o citado prazo de vinte días sen que se formule oposición á valoración, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade (artigo 145.8º da Lei do solo de Galicia).
Terceiro.-Publica-la presente resolución así como a seguinte relación dos bens e dereitos afectados pola expropiación, no Diario Oficial de Galicia e no taboleiro de edictos do concello:
m ptas.
Nº predio Propietario Superficie
Valoración
1 Cooperativas de Vivendas Cervantes 258 2.742.123
1-A José Mato Otero 827 5.676.404
2 Manuel González Vázquez 3.384 24.937.718
3 Victorino Cores Ramos 380 2.608.263
4 José Galante García 380 2.608.263
5 María Suárez Franqueira e Hros. Ramón Varela Varela 334 10.980.461
6 Carmen Rama Reboredo e Hros. José Liste Mosquera 1.890 16.290.677
7 Josefina Carnota Boo 304 2.086.610
8 Carmen López Rodríguez 1.015 6.966.808
9 Antonio López Rodríguez 2.126 15.150.095
11 María López Rodríguez 3.576 24.545.128
12 Ramón López Rodríguez 4.271 29.315.503
13 Jesús Parga Castelo 1.308 8.977.916
14 José Cendal García 888 22.865.858
15 Josefina Rozas Ponte 998 21.816.884
17-A Hros. de Dolores Sánchez Couto 2.000 13.727.700
17-B Celso Mira Sánchez 290 9.877.844
18 Manuel e Domingo Antonio Mariño del Río 4.664 32.012.996
19 José Fernández Carnota 1.698 11.654.817
20-A Francisco Viaño Veiras 180 14.662.540
20-B Francisco Viaño Veiras 1.560 16.118.256
20-C Mercedes Seoane Mato 1.560 10.707.606
20-D Nemesio Serrapio Gómez 780 5.353.803
21 Nieves Castro Mato e Hros. Constantino S. 212 6.881.820
22 María Piñeiro Fernández 134 8.480.634
22-A María Piñeiro Fernández 108 1.100.081
23 Jesús Iglesias Rey 312 2.141.521
23-A Manuela Lema Bouzas 258 1.770.873
24 Daniel Goldar Beiras 450 4.319.333
25 Julia Lema Bouzas 551 3.781.981
26-A José Mecías Naveiro 576 3.953.578
26-B Avelino Carneiro Vázquez 319 2.189.568
m ptas.
Nº predio Propietario Superficie
Valoración
27 Marcelino Lema Lobato 476 3.267.193
28 Antonio Raposo Sánchez 465 3.191.690
29-A Avelino Carneiro Vázquez 602 4.132.038
29-B Mª Eva Rodríguez Lema 507 3.479.972
30-A José Castro Midón 263 1.805.193
30-B José Castro Midón 248 1.702.235
30-C Vicente Andrés Suárez Bahamonde 269 1.846.376
31 José Manuel Rodríguez Lema 495 3.397.606
32 José Manuel Camina Orizales 1.241 8.518.038
33 Antonio Raposo Sánchez 613 4.207.540
34 Ángel Rosendo Suárez Cancela 1.586 10.886.066
35 María e Serafíin Rafael Cabo Landeira 3.291 22.872.430
36 Comunidad de Vecinos Caixa Galicia 2.050 16.186.643
37 Manuel Angel Vilas Moure 656 4.502.686
38 Ignacio González Fernández 2.192 19.200.514
39 José Rico Mosquera 81 2.044.347
TOTAIS 52.626 457.544.227
Así mesmo, a publicación e exposición no taboleiro de edictos do concello, servirá de notificación ós propietarios descoñecidos, ós que se ignore o lugar de notificación, ou ben, tramitada a notificación, non se puidese realizar. Todo isto de acordo co disposto no artigo 59.4º da Lei 30/1992, do 26 de novembro, do réxime xurídico das administracións públicas e do procedemento administrativo común.
Cuarto.-Igualmente, notificaráselle o contido desta resolución á Fiscalía da Audiencia Provincial, para os efectos establecidos no artigo 5 da Lei de expropiación forzosa, en relación cos propietarios descoñecidos e os non comparecentes no procedemento expropiatorio.
Contra esta resolución que pon fin á vía administrativa poderase interpoñer recurso contencioso-administrativo perante a sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da notificación, segundo o art. 46.1º da Lei 29/1998, do 13 de xullo, da xurisdicción contencioso-administrativa (LXCA). Así mesmo, poderase interpoñer recurso potestativo de reposición ante o conselleiro de Política Territorial, Obras Públicas e Vivenda, no prazo dun mes contado a partir do día seguinte ó da notificación desta resolución (artigo 116, 117 e 48 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro); para o caso de que se interpoña o recurso potestativo de reposición, ata que sexa resolto expresamente ou se producira a desestimación presunta, non se poderá interpoñe-lo recurso contencioso-administrativo
(art. 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro).
No suposto de que o interesado sexa unha administración pública, no lugar do recurso de reposición poderá dirixirlle ó órgano competente no prazo de dous meses o requirimento previo previsto no artigo 44 da LXCA.
Todo esto sen prexuízo de que, no caso de desconformidade coa valoración establecida, os interesados dispoñen dun prazo de vinte días para manifesta-la súa desconformidade como se indicou no epígrafe 2 desta resolución, nos termos establecidos polo artigo 145.8º da Lei do solo de Galicia.
Santiago de Compostela, 29 de novembro de 2000.
José Jesús Cudeiro Mazaira
Director xeral de Urbanismo