O incremento da actividade do Centro de Control de Calidade do Medio Mariño en canto a controis analíticos das condicións oceanográficas, fitoplancto, biotoxinas e toda clase de compoñentes contaminantes, químicos e de microbioloxía, para obter tódalas garantías sanitarias de cara ó consumidor, leva a adecua-lo cadro de persoal do centro ó dito incremento de actividade.
Todo isto así como as modificacións puntuais formuladas pola Consellería de Pesca, Marisqueo e Acuicultura, fai necesario modifica-la relación de postos de traballo da dita consellería.
En consecuencia, por proposta da Consellería Pesca, Marisqueo e Acuicultura, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do un de decembro de dous mil, adoptou o seguinte,
ACORDO:
1. Modifica-la vixente relación de postos de traballo da Consellería de Pesca, Marisqueo e Acuicultura, nos termos que se sinalan no anexo ó presente acordo.
2. Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do un de decembro de dous mil, relativo á aprobación da modificación da relación de postos de traballo da Consellería de Pesca, Marisqueo e Acuicultura, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 4 de decembro de 2000.
Jaime Pita Varela
Conselleiro da Presidencia e Administración Pública
Modificacións/creacións de formacións específicas:
Modifícanse as descricións dos seguintes códigos de formación específica quedando da seguinte forma:
711. Experiencia mínima de dous anos en técnicas analíticas de microbioloxía e patoloxía de moluscos (R.I.).
717. Experiencia mínima de dous anos en programas de control e técnicas de análise de microbioloxía e patoloxía de moluscos (R.I.).
880. Experiencia mínima de dous anos en técnicas de análise de nutrientes, carbono e pigmentos fotosintéticos en auga de mar (R.I.).
881. Experiencia mínima de dous anos en avaliación da calidade das zonas de producción no medio mariño (R.I.).