Aprobada inicialmente polo Pleno da Corporación, en sesión de data 29 de novembro de 2000, a modificación puntual das normas subsidiarias de planeamento do termo municipal de Oroso para sinalamento de aliñacións e establecemento de volumes edificables na rúa do Practicante, sométese á información pública por prazo dun mes, contado a partir da inserción deste anuncio no Boletín Oficial da Comunidade Autónoma, durante o cal poderá ser examinado o expediente nos servicios técnicos do concello.

Ó mesmo tempo faise pública, como áreas afectadas pola suspensión do outorgamento de licencias de parcelacións de terreos, edificacións e demolicións as abranguidas no ámbito territorial abareado pola modificación, toda vez que as novas determinacións supoñen modificación do réxime urbanístico vixente. A suspensión terá unha duración máxima dun ano e extinguirase, en todo caso, coa aprobación definitiva da modificación puntual.

Oroso, 30 de novembro de 2000.

Eugenio Neira García

Alcalde