a) Asistencia técnica.
1. Asistencia técnica para a contratación do servicio para a montaxe, preparación, organización e difusión dun simposio: xornadas sobre as infraestructuras en Galicia.
Clave: E/SC/00.141.
Orzamento: trinta e seis millóns corenta e nove mil cento corenta e seis pesetas (36.049.146), equivalente a (216.659,73 euros).
Prazo de execución: do 21 de xaneiro ó 24 de xaneiro de 2001.
A solvencia económica e financeira acreditarase de conformidade co artigo 16 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
A solvencia técnica ou profesional xustificarase mediante os seguintes extremos:
-O director do equipo deberá ter experiencia en realización de simposios e congresos.
Acreditarase conforme o disposto no artigo 19 a) e b) do texto refundido da citada lei.
Achegaranse copias autenticadas do personal consultor en relación ó especificado no prego de prescricións técnicas particulares.
(Declarada urxente consonte o establecido no artigo 71 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas).
b) Documentos de interese para os licitadores.
Os pregos de cláusulas administrativas particulares, así como o prego de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas da Consellería de Política Territorial, Obras Públicas e Vivenda, edificios administrativos de San Caetano, Santiago de Compostela. Teléfono de información 981 54 49 86.
c) Garantías que se lles esixen ós licitadores.
Esixirase unha garantía definitiva equivalente ó 4% do orzamento de contrata.
A dita garantía poderá ser presentada na modalidade e polas persoas ou entidades que especifica a lexislación española vixente.
d) Modelo de proposición.
Proposición económica formulada estrictamente conforme o modelo que se xunta ó prego de cláusulas administrativas particulares.
e) Prazo e lugar para a presentación de proposicións.
As proposicións haberán de presentarse en sobre pechado no rexistro xeral da Consellería de Política Territorial, Obras Públicas e Vivenda ou envialas por correo dentro do prazo de admisión sinalado conforme ó disposto no artigo 100 do regulamento xeral de contratación do Estado.
O prazo de admisión das proposicións rematará ás doce horas do décimo terceiro día natural, que no coincida en sábado, domingo ou festivo, seguinte ó da publicación deste anuncio no Diario Oficial de Galicia.
f) Apertura das proposicións.
Apertura das proposicións realizaraa a mesa de contratación ás once horas do quinto día natural, que non coincida en sábado, domingo ou festivo,contado a partir do último día de presentación de proposicións, na sala de xuntas da Consellería de Política Territorial, Obras Públicas e Vivenda.
g) Outras informacións.
A mesa de contratación comprobará en acto previo a documentación xeral (sobre nº 1), segundo se especifica no punto 2.2.6 Constitución e funcionamento da mesa, do prego de cláusulas administrativas particulares.
h) Variantes: estarase o especificado no cadro de características do prego de prescricións técnicas particulares.
i) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta do adxudicatario.
Santiago de Compostela, 4 de decembro de 2000.
P.D. (Orde 13-12-1993)
José Antonio Fernández Vázquez
Secretario xeral da Consellería de Política Territorial, Obras Públicas e Vivenda